دۇيسەنبى كۇنى ساۋد ارابياسىندا قار جاۋدى. بۇل تۋرالى ريا «نوۆوستي» اقپارات اگەنتتىگى حابارلادى.
كورولدىكتىڭ باس مەتەورولوگيالىق باسقارماسىنىڭ مالىمدەۋىنشە, اۋا رايىنىڭ قولايسىزدىعى كولىك قوزعالىسىنا زيانىن تيگىزگەن. سونىمەن قاتار, ورتالىق بولىگىندەگى استانالىق وكرۋگ اۋداندارىندا ءشول دالاداعى قۇمنىڭ بەتىن قار باسىپ قالدى. تاباردجال قالاسىندا اۋا تەمپەراتۋرا -3°C دەيىن تومەندەدى, ءال-كۋارايات پروۆينتسياسىندا سىناپ باعاناسى -1°C كورسەتتى.
مەتەورولوگيالىق باسقارما جاقىن كۇندەرى كورولدىكتىڭ بارلىق اۋماعىندا – ەر-رياد, شىعىس پروۆينتسيالاردا, مەككەدە, مەدينادا, سونداي-اق كورولدىكتىڭ وڭتۇستىك-باتىس قالالارىندا جاۋىن-شاشىن بولاتىنىن ەسكەرتتى. ازاماتتىق قورعانىس كورولدىك قۇزىرىنداعى ازاماتتار مەن شەتەلدىكتەردى ساقتىق شارالارىن ۇستانۋعا شاقىردى.