«كولۋمبيانىڭ رەۆوليۋتسياشىل قارۋلى كۇشتەرىنىڭ» جەتەكشىسى رودريگو لوندونو ەچەۆەرري مەن وسى ەلدىڭ پرەزيدەنتى حۋان مانۋەل سانتوس جاڭا بەيبىت كەلىسىمگە قول قويدى. سالتاناتتى ءراسىم مەملەكەت استاناسى بوگوتا قالاسىندا ءوتتى. وعان بىرقاتار ەلدىڭ باسشىلارى مەن بۇۇ-نىڭ باس حاتشىسى قاتىستى, دەپ حابارلادى lenta.ru.
جارتى عاسىردان استام ۋاقىتقا سوزىلعان قاقتىعىسقا شەك قوياتىن قۇجاتتى كەلەسى اپتادا كولۋمبيا كونگرەسى راتيفيكاتسيالايدى. بۇعان سايكەس, كوتەرىلىسشىلەر قارۋىن تاستاپ, ساياسي پارتيا قۇرادى. نەگىزى تاراپتار قىركۇيەكتىڭ اياعىندا وسىنداي بەيبىت كەلىسىمدى بەكىتكەن بولاتىن.
بىراق, وتكىزىلگەن رەفەرەندۋمدا حالىقتىڭ باسىم بولىگى قارسى داۋىس بەردى. تۇرعىندار ب ۇلىكشىلەردى جازاعا تارتۋدى تالاپ ەتىپ, ەرەۋىلدەر ۇيىمداستىرعان.
ەستەرىڭىزگە سالا كەتەيىك, كولۋمبيادا ازاماتتىق سوعىس 1964 جىلى باستالعان بولاتىن. قاقتىعىستاردىڭ سالدارىنان بۇگىنگە دەيىن 220 مىڭنان استام ادام قازا تاۋىپ, تاعى 6 ميلليونعا جۋىعى ۇيلەرىن تاستاپ كەتۋگە ءماجبۇر بولدى.