جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىندە ەل تاۋەلسىزدىگىنىڭ 25 جىلدىعىنا ارنالعان «جۇرەكتەن جۇرەككە» اتتى مەتسەناتتار مەن قايىرىمدىلىق كومەگىن بەرۋشىلەردىڭ ءى وبلىستىق فورۋمى بولىپ, وسى سالاداعى ۇزدىكتەر ماراپاتتالدى, دەپ حابارلادى قازاقپارات.
ەلباسى قازاقستان حالقى اسسامبلەياسىنىڭ 24-سەسسياسىندا قحا-عا قايىرىمدىلىق كورسەتۋ مەن مەدياتسيانى جۇرگىزۋدى جۇكتەگەنى ءمالىم. وسى مىندەتتەر اياسىندا قيىن جاعدايدا قالعان ازاماتتارعا قايىرىمدىلىق كومەكتەر بەرىلۋدە, از قامتىلعان وتباسىلار, جەتىم بالالار مەن مۇگەدەكتەردى الەۋمەتتىك قولداۋمەن تۇراقتى تۇردە اينالىساتىن قوعامدىق بىرلەستىكتەر جۇمىس جاساۋدا. جالپى, بيىل وڭىردە 5 مىڭنان استام ءتۇرلى قايىرىمدىلىق شارالارى وتكىزىلىپ, ولاردى ۇيىمداستىرۋعا 3 مىڭنان استام ادام قاتىستى. باتىسقازاقستاندىقتارعا جىل ىشىندە 30 ملن. تەڭگەدەن استام جاردەم بەرىلدى. سوندىقتان قوعامدا قايىرىمدىلىق ىستەرىنىڭ بۇدان دا كەڭىرەك قانات جايۋى اسا ماڭىزدى.
شارا سوڭىندا ۇزدىك مەتسەناتتار ماراپاتتالدى. ەرىكتىلەردىڭ ەڭبەگى دە مول ەكەنى اتاپ ءوتىلدى. وسى كۇنى «قايىرىمدىلىق كەرۋەنى» ۇيىمداستىرىلىپ, ءوڭىر كاسىپكەرلەرى اتىنان 110 از قامتىلعان جانە كوپ بالالى وتباسىلارعا ازىق-ت ۇلىك قورجىنى جەتكىزىلدى.