قازاقستان پرەزيدەنتى نۇرسۇلتان نازارباەۆ «نۇر وتان» پارتياسى توراعاسىنىڭ ورىنباسارى مۇحتار قۇل-مۇحاممەدتى قابىلدادى, دەپ حابارلادى اقوردانىڭ ءباسپاسوز قىزمەتى.
كەزدەسۋ بارىسىندا ەلباسى مەملەكەت قۇرۋدىڭ باستاپقى كەزەڭىنەن بەرگى دامۋ جولىندا «نۇر وتان» پارتياسىنىڭ اتقارعان ءرولى مەن ەڭبەگىنە توقتالدى. سونداي-اق, مەملەكەت باسشىسى ەلىمىزدىڭ قوعامدىق-ساياسي ومىرىنە پارتيانىڭ بەلسەنە اتسالىسىپ كەلە جاتقانىن, ونىڭ حالىق الدىنداعى بەدەلىنىڭ جانە ەتنوسارالىق قارىم-قاتىناستى نىعايتۋعا قوسقان ۇلەسىنىڭ زور ەكەنىن اتاپ ءوتتى.
م.قۇل-مۇحاممەد نۇرسۇلتان نازارباەۆقا پارتيانىڭ مەملەكەتتىك باعدارلامالاردىڭ ىسكە اسىرىلۋ بارىسىن باقىلاۋ جونىندەگى جۇمىسى تۋرالى دا باياندادى. قازاقستان پرەزيدەنتى كەزدەسۋ قورىتىندىسى بويىنشا بىرقاتار ناقتى تاپسىرما بەردى.