دوستىق كەزدەسۋى ءوتتى

قازاقستان دەلەگاتسياسىن ەلىمىز سىرتقى ىستەر مينيسترلىگىنىڭ جاۋاپتى حاتشىسى ءارى EXPO-2017 حالىقارالىق ماماندان­دى­رىل­عان كورمەسىن وتكىزۋ قۇقىعىنا استانا قالاسىنىڭ ءوتىنىمىن جىل­جىتۋ جانە ىلگەرىلەتۋ جوباسىنىڭ ۇلتتىق ۇيلەستىرۋشىسى ر.جوشى­باەۆ باسقاردى, دەپ حابارلادى قر ءسىم-ءىنىڭ ءباسپاسوز قىزمەتى. باسقوسۋدىڭ ماقساتى ۇمىتكەر­لەر­دىڭ EXPO-2017 كورمەسىن داي­ىندالۋ بارىسى جونىندە اقپارات الماسىپ, پىكىر الىسۋ, سونداي-اق قاتىسۋشى ەلدەردىڭ ءىس-ارەكەتىن ۇيلەستىرۋ بولىپ تابىلادى. كەزدەسۋ بارىسىندا قازاق­ستان­دىق جانە بەلگيالىق جاق­تار­دىڭ قاتىسۋ ءپىشىنى, سونىمەن قاتار, استانا مەن لەج قالا­لارىنىڭ EXPO كورمەسىن ءوت­كىزۋ­گە دايىندىعى ايتىلدى. حا­لىق­ارالىق مامانداندىرىلعان كور­مە ۇيىمداستىرۋعا ۇمىتكەرلەر حكب باس اسسامبلەياسىنىڭ 150 جانە 151 سەسسيالارىنا قاتىسۋ ءجو­نىنەن بىرنەشە ماسەلەنى تال­قىلادى. باسقوسۋعا قازاقستان مەن بەل­گيادان وزگە EXPO 2020 كور­مەسىن وتكىزۋگە ۇمىتكەر بولعان ءتۇر­كيا (يزمير) مەن تايلاند (ايۋتايا) وكىلدەرى دە قاتىستى. مەيمان­دار­دى حكب باس حاتشىسى ۆيسەنتە گونسالەس لوسەرتالەس قابىلدادى. قازاقستان – ورتالىق ازيا­نىڭ كوشباسشىسى. ەلىمىز مۇناي, گاز, ۋران سىندى ەنەرگەتيكالىق قور­لارعا باي, بىراق سوعان قار­اماس­تان, ءبىز بالامالى ەنەرگيا كوزدەرىن بەلسەندى تۇردە دامىتۋ ۇستىندەمىز. «بولاشاق ەنەرگياسى» – زاماناۋي وزەكتى تاقىرىپ­تار­دىڭ ءبىرى. قازىرگى تاڭدا الەمدىك قاۋىمداستىق بالامالى ەنەرگيا تۇرلەرىن ىزدەپ, ەكونوميكانىڭ قۋات تيىمدىلىگىن ارتتىرۋ ۇستىندە. استانا قالاسى وسى سالاداعى جا­ھاندىق جاڭالىقتاردى تالقى­لاۋ­دىڭ جانە تاجىريبە الماسۋدىڭ الاڭىنا اينالماق.