Sensor Tower زەرتتەۋ كومپانياسىنىڭ ساراپشىلارى iOS 11 وپەراتسيالىق جۇيەسى شىققان كەزدە iPhone مەن iPad-قا ارنالعان 187 مىڭ قوسىمشانىڭ ىستەن شىعاتىنىن ايتتى, دەپ جازادى Mashable.
بۇعان دەيىن Apple كومپانياسى جاڭا نۇسقادا 32-ءبيتتى قوسىمشادان باس تارتاتىنىن ايتقان بولاتىن. Sensor Tower مالىمەتىنشە, ونداي باعدارلامالار بارلىق AppStore-ءدىڭ 8 پايىزىن قامتيدى.
ساراپشىلاردىڭ ايتۋىنشا, Apple قوسىمشا يەلەرىنە مىندەتتى تۇردە جاڭارتۋ جۇمىستارىن جۇرگىزۋ كەرەكتىگىن 2015 جىلى ەسكەرتكەن. ءتىپتى, iOS 10 بەتا-نۇسقاسىندا ەسكى باعدارلامالار جاڭا جۇيەدە جۇمىس ىستەي المايتىنى تۋرالى حابارلامالار دا شىعىپ تۇرادى. بىراق, 187 مىڭ قوسىمشاعا قاتىستى ەش شارا قولدانىلماعان.
iOS 11 وپەراتسيالىق جۇيەسى كاليفورنيادا 5-9 ماۋسىم ارالىعىندا وتەتىن WWDC 2017 كونفەرەنتسياسىندا تانىستىرىلادى.