قىتاي قازاقستاندا ءبىلىم الىپ جاتقان ستۋدەنت جاستار سانىن ۇلعايتۋدى كوزدەپ وتىر. بۇگىندە ولاردىڭ سانى 1300-ءدى قۇرايدى, دەپ حابارلايدى قازاقپارات.
قىتايدىڭ حالىقارالىق ساۋداسىنا ىقپال ەتۋ كوميتەتى توراعاسىنىڭ ورىنباسارى, قىتاي پاۆيلونىنىڭ ۇلتتىق كوميسسارى جانە قىتايدىڭ ەكسپو-2017 كورمەسىنە قاتىساتىن ۇكىمەتىنىڭ وكىلى ۆان تسزينچجەن: «ەكسپو كورمەسىنە قاتىسۋ ارقىلى ءبىز قازاقستاندا ءبىلىم الاتىن وقۋشىلاردى ىنتالاندىرا تۇسەتىن بولامىز. قازىرگى تاڭدا قىتايدا 13 مىڭنان استام قازاقستاندىق ستۋدەنت ءبىلىم الۋدا. ال قازاقستاندى قىتايلىق نەبارى 1300 بالا وقىپ جاتىر. مەنىڭشە بۇل جەردە قازاقستاندا ءبىلىم الاتىن قحر ستۋدەنتتەرىن ارتتىرۋدىڭ ۇلكەن الەۋەتى جاتىر», – دەدى ول قىتايدىڭ ەكسپو-2017 پاۆيلونىن تانىستىرۋ راسىمىنەن سوڭ بەرگەن سۇحباتىندا.
ايتا كەتەيىك, ۆان تسزينچجەننىڭ سوزىنشە, قىتاي تاراپى قازاقستاندا وتەتىن ەكسپو-2017 كورمەسىنە ءوز ەلدەرىنەن 250 مىڭ تۋريست قاتىسادى دەپ بولجام جاساپ وتىر.