ەلوردادا «ەكسپو-2017» كورمەسىنە وراي 11 اۆتوبۋستىڭ قوزعالىس جيىلىگى 5 مينۋتقا دەيىن قىسقارادى. بۇل جايىندا بۇگىن «استانا LRT» جشس باسقارماسىنىڭ توراعاسى تالعات اردان ءمالىم ەتتى, دەپ حابارلايدى قازاقپارات.
«ەكسپو كورمەسىنە وراي 7 شاتتل-باس باعدارىن ىسكە قوسۋ كوزدەلىپ وتىر. ولار ەكسپو-قالاشىقتىڭ كولىك حابىمەن تۇيىستىرىلەتىن بولادى. كورمەگە تاقاۋ وتەتىن 10, 15, 12, 18, 35, 37, 40, 51, 53, 102 سىندى 11 باعدار كۇشەيتىلىپ, ولاردىڭ قوزعالىستاعى نورماتيۆتىك ۋاقىتى 5 مينۋتقا دەيىن قىسقارتىلادى», - دەدى ول.
ارداننىڭ ايتۋىنشا, استانانىڭ جولاۋشىلار كولىگى پاركىن جاڭارتۋعا باعىتتالعان جۇمىستار دا جالعاستىرىلاتىن بولادى.
ماسەلەن, 2017 جىلدىڭ مامىر ايىنىڭ ورتاسىنا دەيىن ەلورداعا جاڭا 380 اۆتوبۋس جەتكىزىلەتىندىگىن اتاپ ءوتتى.
«اتالعان اۆتوبۋستار قاۋىپسىزدىكتىڭ قازىرگى زامانعى تالاپتارىنا ساي, وتە جايلى بولادى. بۇعان قوسا, جەرگىلىكتى اۋا رايىنا بەيىمدەلىپ جاسالادى. ەكسپو كورمەسى اياقتالعان سوڭ, ەسكى اۆتوبۋستار بىرتىندەپ پايدالانۋدان شىعارىلادى», - دەدى اردان. ەستەرىڭىزگە سالا كەتسەك, 2015 جىلى استاناعا «IVECO» ماركالى 358 اۆتوبۋس جەتكىزىلىپ, ەسكى 210 قوعامدىو كولىك پايدالانۋدان شىعارىلعان ەدى.