كەشە مۇناي باعاسى ءبىر جارىم جىلدىق ماكسيمۋمعا دەيىن قىمباتتادى. وعان سەبەپ بولعان نارىقتاعى ساۋداگەرلەردىڭ وتكەن ايدىڭ سوڭىندا قابىلدانعان وپەك+ ەلدەرىنىڭ جاھاندىق پاكتىنا دەگەن سەنىمى, دەپ جازادى investing باسىلىمى.
بۇگىن استانا ۋاقىتىمەن 09:00-دە برەنت ماركالى مۇناي قۇنى باررەلىنە 56,70 دوللار دەڭگەيىندە بولدى. ەستەرىڭىزگە سالا كەتەيىك, 2015 جىلدىڭ مامىر ايىنىڭ سوڭىندا قارا التىن قۇنى 57-58 دوللارعا تەڭ بولعان ەدى.
جالپى, وسى اپتادا امەريكاداعى روجدەستۆو مەرەكەسىنە وراي جانە جاڭا جىل مەرەكەسى قارساڭىندا قور نارىعىنداعى ساۋدا باسەڭدەپ, باعا كوتەرىلىپ كەلە جاتىر.
ەستەرىڭىزگە سالا كەتەيىك, وپەك+ (ۇيىمعا كىرەتىن جانە وعان كىرمەيتىن مۇناي ەكسپورتتاۋشى مەملەكەتتەر) وتكەن ايدىڭ سوڭىندا مۇناي ءوندىرىسىن تاۋلىگىنە 1,8 ملن باررەلگە ازايتۋعا كەلىسكەن. وسى ورايدا قازاقستاننىڭ تاۋلىگىنە 20 مىڭ باررەل ازايتۋى ءتيىس. كەلىسىمشارت كەلەر جىلدىڭ 1 قاڭتارىنان باستاپ كۇشىنە ەنەدى.