استانا قالاسىنىڭ قورعانىس ىستەرى دەپارتامەنتى استانا تۇرعىندارىنا اسكەري-تەحنيكالىق ماماندىقتار بويىنشا تەگىن وقۋدان ءوتۋدى ۇسىنادى, دەپ حابارلايدى Strategy2050.kz.
دەپارتامەنتتە حابارلاعانداي, كۋرستار اسكەرگە الىناتىن 17,5 جانە ودان جوعارى جاستاعى ادامدارعا ارنالعان.
وقۋدان وتۋگە نيەتى بار جاستار ءۇش ماماندىقتىڭ ءبىرىن تاڭداي الادى: ۆ, س جانە س1 كاتەگورياسى بار اسكەري كولىك جۇرگىزۋشى, اسكەري كولىك جۇرگىزۋشى-ەلەكترومەحانيك جانە اسكەري كولىك جۇرگىزۋشى-اۆتوكرانشى. وقىتۋ قاراعاندى جانە كوكشەتاۋ قالالارىندا قر قورعانىس مينيسترلىگىنىڭ «اسكەري-تەحنيكالىق مەكتەپ» رمقك فيليالدارىنىڭ بازاسىندا جۇرگىزىلەدى جانە التى ايعا ەسەپتەلگەن.
«وسى جاستاعى جاستار جۋىق ۋاقىتتا مىندەتتى اسكەري قىزمەتتەن ءوتۋ ءۇشىن اسكەرگە شاقىرىلادى. ال ولار اسكەرگە شاقىرىلعانعا دەيىن اسكەري-تەحنيكالىق ماماندىقتى مەڭگەرىپ, قىزمەتتى سوعان سايكەس ءوتۋ مۇمكىندىگىنە يە بولادى. وسىلايشا, ولار العان بىلىمدەرىن پراكتيكادا بەكىتىپ, ماماندىقتى جاقسى مەڭگەرىپ الادى. اسكەردەن كەيىن بۇل ولارعا جۇمىسقا ورنالاسۋعا كومەكتەسەدى», - دەپ ءتۇسىندىردى استانا قالاسى قورعانىس ىستەرى دەپارتامەنتىنىڭ اسكەردەن تىس دايىندىق ءبولىمىنىڭ باستىعى, كاپيتان ەربولات ءجۇسىپوۆ.
بۇدان بولەك, ونىڭ ايتۋى بويىنشا, ەگەر جۇرگىزۋشى س كاتەگورياسىن 21 جاسقا تولعاننان كەيىن عانا الا السا, مۇندا ول وسى كاتەگوريانى 18 جاسىندا الا الادى.
وقۋ تەگىن نەگىزدە وتەدى. وعان قوسا, كۋرسانتتارعا كازارمادا تاۋلىك بويى تۇرۋ جانە كۇنىنە ءۇش رەت تاماقتانۋ مۇمكىندىگى تەگىن بەرىلەدى. وقۋعا قابىلداۋ مەديتسينالىق كوميسسيادان وتكەننەن كەيىن جۇرگىزىلەدى.