«بۇگىنگى كۇنى قازاقستاندىق بەس ينستيتۋتتىق رەفورمانى جۇزەگە اسىرۋ بارىسىندا مەملەكەتتىك ورگاندار قوعام الدىندا بارىنشا اشىق بولۋعا جانە ەسەپ بەرۋگە مىندەتتى. قازىر الماتىدا اۋرۋحانالار, مەكتەپتەر, بالاباقشالار جانە پاتەر يەلەرىنىڭ كووپەراتيۆتەرى وزدەرىنىڭ قارجىلىق ەسەپتەرىن جاريالاپ, بىرتىندەپ قالا تۇرعىندارىنىڭ سەنىمىنە يە بولۋدا. مىنە, ەندى الماتى مەشىتى دە العاشقىلاردىڭ ءبىرى بولىپ وسى باعدارلاماعا ساي جولمەن جۇرە باستادى», دەگەن قالا اكىمى باۋىرجان بايبەك العاشقىلاردىڭ ءبىرى بولىپ ورتالىق مەشىتتەگى تەرمينال ارقىلى تولەم جاسادى.
الماتىداعى ورتالىق مەشىتتىڭ باس يمامى نۇربەك ەسماعانبەتوۆ بۇل تەحنولوگيانىڭ بۇگىن پيلوتتىق جۇيەدە قولدانىلاتىنىن ايتتى. بۇرىننان قالىپتاسقان ءادىس تە قولجەتىمدى – مەشىتكە كەلگەن ءاربىر ازامات ادەتتەگىدەي قايىرىمدىلىق تولەمدەرىن اشىق ۋرنالارعا سالا الادى. باس يمام اي سايىنعى جينالعان قارجىنىڭ جالپى سوماسى مەشىتتىڭ سايتىندا جاريالانىپ تۇراتىنىن دا ايتتى.
تالعات ءسۇيىنباي, «ەگەمەن قازاقستان»