ا.مىرزاحمەتوۆ ورمانداعى ءورت قاۋپىنە دايىندىق ماسەلەلەرىن تالقىلادى

اتالعان ءىس-شاراعا ورمان شارۋاشىلىعىنا جەتەكشىلىك ەتەتىن وبلىس اكىمدەرىنىڭ ورىنباسارلارى, تابيعي رەسۋرستار مەن ورمان پايدالانۋدى رەتتەۋ باسقارمالارىنىڭ, وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسيالارىنىڭ, وبلىستىق توتەنشە جاعدايلار دەپارتامەنتتەرىنىڭ جانە تابيعات قورعاۋ مەكەمەسىنىڭ جەتەكشىلەرى قاتىستى.  كەڭەس بارىسىندا ا.مىرزاحمەتوۆ وبلىس اكىمدىكتەرىنىڭ قاراۋىنداعى ورمان مەكەمەلەرىنىڭ ماتەريالدىق-تەحنيكالىق جاعىنان قاجەتتى دەڭگەيدە جابدىقتالۋىنا نازار اۋداردى.  ورمانداعى ءورت جاعدايى تۋرالى اقپاراتتى وپەراتيۆتى قابىلداۋ مەن تاراتۋ بويىنشا جانە «قازاۆياورمانقورعاۋ» رمكك-نىڭ ورمان ءورتىن ءسوندىرۋ جۇمىستارىن ۇيلەستىرۋ ءۇشىن رەسپۋبليكالىق ديسپەتچەرلىك قىزمەت ۇيىمداستىرىلىپ, سونىمەن بىرگە ءىىم تجك رەسپۋبليكالىق داعدارىس ورتالىعىنا ورمان ورتتەرى تۋرالى اقپارات بەرۋ قامتاماسىز ەتىلدى.  قازىرگى ۋاقىتتا «قازاۆياورمانقورعاۋ» رمكك جوعارعى ساناتتاعى ءورت قاۋىپى تۋىنداعان ورمان ماسسيۆتەرىندە ءۇش رەتتىك اۋە باقىلاۋ جۇمىستارىن جۇرگىزۋدە. اۋە بولىمشەلەرىنىڭ جەكە قۇرامى جوعارى جاۋىنگەرلىك ازىرلىككە كەلتىرىلگەن.  اۋە باقىلاۋ الماتى, اقمولا, شىعىس قازاقستان, جامبىل, قاراعاندى, قوستاناي جانە پاۆلودار وبلىستارىنىڭ ورمان قورىنىڭ 8 ملن 869 مىڭ گا اۋماعىن نەمەسە رەسپۋبليكانىڭ ورمان قورىنىڭ 30% اۋماعىن قامتىپ وتىر.