جاقىندا شىعىس قازاقستان وبلىستىق ءماسليحاتىنىڭ حاتشىسى ۆاسيلي احاەۆ باستاعان ءوڭىردىڭ رەسمي دەلەگاتسياسى رەسەيدىڭ التاي ايماعىندا ءوتكىزىلگەن «التاي – ءبىزدىڭ ورتاق ءۇيىمىز» اتتى حالىقارالىق ۇيلەستىرۋ كەڭەسىنىڭ ونىنشى وتىرىسىنا قاتىسىپ قايتتى. قازاقستان, رەسەي, موڭعوليا جانە قىتاي وكىلدەرى مۇنداي باسقوسۋلاردان ۇلكەن ءۇمىت كۇتەدى. ءتورت ەل ءۇشىن ءوزارا قارىم-قاتىناستى نىعايتۋ جەمىسىن بەرمەك.
وسى جولى تاعى ءبىر ماڭىزدى شارا جۇزەگە استى. جيىندا شىرايلى شىعىس ءوڭىرى تاراپىنان جاسالعان قۇندى ۇسىنىس, ياعني ءتورت ەلدىڭ 25 جوعارى وقۋ ورىندارىنىڭ الدىڭعى قاتارلى عالىمدارى مۇشە بولىپ تابىلاتىن ۇلكەن التاي رەكتورلارىنىڭ كەڭەسىن قۇرۋ جونىندەگى ۇسىنىس ءبىراۋىزدان ماقۇلداندى. بۇدان بىلاي جوعارى وقۋ ورىندارى اراسىنداعى قارىم-قاتىناس جاقسارىپ قانا قويماي, ول ءتورت ەلدىڭ ەكونوميكاسى مەن الەۋمەتتىك جاعدايلارىنىڭ جاقسارا بەرۋىنە دە وڭ ىقپالىن تيگىزبەك.
وڭداسىن ەلۋباي,
شىعىس قازاقستان وبلىسى.