اقمولا وبلىسى ءبىلىم قىزمەتكەرلەرىنىڭ تامىز كەڭەسى «وتباسى, مەكتەپ, قوعام – جارقىن بولاشاق ءۇشىن ءوزارا ۇيلەسىمدى قيمىل» تاقىرىبىمەن ءوتتى. بۇل ساپالىق كورسەتكىشتەردى نىعايتۋداعى ورتاق جاۋاپكەرشىلىكتى كۇشەيتپەك.
وبلىستىق ءبىلىم باسقارماسىنىڭ باستىعى مارات ىبىراەۆ كورسەتكىشتىڭ جىل ساناپ جاقسارىپ كەلە جاتقاندىعىن ايتتى. بۇل – 2010 جىلدان بەرى وبلىستىق بيۋدجەتتەن بولىنگەن قارجىنىڭ 8 ەسە وسكەندىگىنىڭ ناتيجەسى. قازىر ۇلتتىق بىرىڭعاي تەستىلەۋدىڭ ورتا كورسەتكىشى 66,8 باللدان, 82 باللعا جەتكەن. دەگەنمەن, ۋاقىت تالابى الدا كەلەدى. كوكشەتاۋ قالالىق ءبىلىم ءبولىمىنىڭ باستىعى ح.عازيزوۆ, جارقايىڭ اۋداندىق قوعامدىق اتا-انالار كەڭەسىنىڭ مۇشەسى ز.مارشتۋپا, ەسىل قالاسىنداعى كاسىپتىك ليتسەيدىڭ ديرەكتورى ل.كليمەنكو جۇمىستى جانداندىرۋعا قاتىستى پىكىرلەرىمەن ءبولىستى.
وبلىس اكىمى سەرگەي دياچەنكو, ءبىلىم جانە عىلىم مينيسترلىگىنىڭ وكىلى اقەركە ابىلايحان تاۋەلسىز ەلىمىزدىڭ سانالى ازاماتتارىن, اينىماس پاتريوتتارىن, تولىققاندى تۇلعاسىن تاربيەلەۋ قوعام قىزمەتىنىڭ باستى باعامى ەكەندىگىن اتاپ كورسەتتى.
باقبەرگەن امالبەك, اقمولا وبلىسى.