شالقار اۋدانى بايقادام اۋىلىندا تۇراتىن كۇزەمباەۆتاردىڭ «سازدى اۋەن» وتباسىلىق حالىقتىق ءانسامبلى وبلىس ورتالىعىنداعى «دوستىق» ۇيىندە ءوزىنىڭ ەسەپتىك كونتسەرتىن بەردى. بۇل مادەني شارا ەل تاۋەلسىزدىگىنىڭ 20 جىلدىعىنا ارنالدى. قۇرىلعانىنا 20 جىلدان استام ۋاقىت بولعان وتباسىلىق انسامبل 2009 جىلى حالىقتىق اتاعىن الدى. ونىڭ قۇرامىنداعى 18 مۇشەسى دە تۇگەلدەي وسى اۋلەتتەن.
ونەر ۇجىمىنىڭ رەپەرتۋارى باي. انسامبل قۇرمانعازىنىڭ «الاتاۋ», قازانعاپتىڭ «قۇس قايتارۋ», «شىنىاياق» كۇيلەرىن جانە باسقا كومپوزيتورلاردىڭ شىعارمالارىن ناقىشىنا كەلتىرە ورىندايدى, ءان سالادى, تەرمە توگىلتەدى, جىر ايتادى. ءتۇرلى ۇلتتىق اسپاپتاردا شەبەر وينايتىن ءانسامبلدىڭ ەسەپتىك كونتسەرتى اقتوبەلىكتەردىڭ كوڭىلىنەن شىقتى.
ساتىبالدى ءساۋىرباي,
اقتوبە وبلىسى.