ەل تاۋەلسىزدىگىنىڭ 20 جىلدىعىن وتكىزۋگە وراي كەشە توتەنشە جاعدايلار ءمينيسترى ۆ.بوجكونىڭ توراعالىعىمەن قالالار جانە اۋداندار توتەنشە جاعدايلار باسقارمالارى (بولىمدەرى) باستىقتارىمەن رەسپۋبليكالىق سەمينار-كەڭەس ءوتتى.
سەمينارعا مينيسترلىك باسشىلىعى, تجم ۆەدومستۆولارى, ۆەدومستۆولىق باعىنىستى ۇيىمداردىڭ باسشىلىق قۇرامى جانە 250-دەن اسا رەسپۋبليكانىڭ بارلىق ءوڭىرلەرىنىڭ ءتوتەنشە جاعدايلار دەپارتامەنتتەرى, باسقارما جانە ءبولىم باستىقتارى, سونداي-اق قاۋىپسىزدىك كەڭەسى حاتشىسىنىڭ ورىنباسارى – قاۋىپسىزدىك كەڭەسى حاتشىلىعىنىڭ مەڭگەرۋشىسى ق. جانبىرشين, باس پروكۋروردىڭ ءبىرىنشى ورىنباسارى ي.مەركەل قاتىستى.
ۆ.بوجكو سەمينار-كەڭەستى اشا وتىرىپ, 2011 جىل قازاقستان ازاماتتارى ءۇشىن ماڭىزدى بولىپ تابىلاتىندىعىن, ەلىمىزدىڭ تاۋەلسىزدىگىنە 20 جىل تولاتىنىن اتاپ ءوتتى. مينيستر ەلباسىنىڭ «بولاشاقتىڭ ىرگەسىن بىرگە قالايىق!» جولداۋىندا ايتىلعان قازاقستاننىڭ تاۋەلسىزدىك جىلدارى قول جەتكىزىلگەن جەتىستىكتەرىنە, سونداي-اق مينيسترلىك الدىندا تۇرعان باستى مىندەتتەر مەن ىسكە اسىرىلعان ءىرى جوبالارعا توقتالدى. ولاردىڭ قاتارىندا – الماتى تاۋ ەتەگىندەگى مەدەۋ شاتقالىنداعى سەلگە قارسى ءبوگەت, وڭتۇستىك قازاقستان وبلىسىندا سىرداريا وزەنىندەگى سۋ تاسقىنىنا قارسى كوكساراي رەتتەگىشى كەشەنىنىڭ قۇرىلىسى, «استانا قالاسىن ەسىل وزەنى سۋىنىڭ باسىپ كەتۋ قاۋپىنەن ساقتاۋ» كەشەنى, ششۋچە-بۋراباي كۋرورتتى ايماعىنداعى زامان تالاپتارىنا ساي ءۇش ءورت دەپوسى, استانا قالاسىنداعى تجم سپورت كەشەنى ءتارىزدى جوبالار بار.
مينيستر ءوز سوزىندە سوڭعى ەكى جىلدا رەسپۋبليكا اۋماعىندا بولعان توتەنشە جاعدايلارعا تالداۋ جاسادى, توتەنشە جاعدايلار قالالىق جانە اۋداندىق بولىمشەلەردىڭ, اپاتتىق-قۇتقارۋ كۇشتەرى مەن قۇرالدارىنىڭ ارەكەتتەرىنە ناقتى باعا بەردى. ۆ.بوجكو ءسوزىنىڭ سوڭىندا قازىرگى تاڭدا مينيسترلىك الدىندا تۇرعان مىندەتتەرگە دە توقتالىپ ءوتتى. نەگىزگى ماقسات – قازاقستان رەسپۋبليكاسىنىڭ 2020 جىلعا دەيىنگى ستراتەگيالىق دامۋ جوسپارى بويىنشا جەكە تۇلعا مەن قوعامنىڭ قاۋىپسىزدىگىن قامتاماسىز ەتۋ, تەحنوگەندىك اپاتتار جانە دۇلەي ءزىلزالا زارداپتارىن بولدىرماۋ ءجانە تومەندەتۋ بويىنشا جاعداي جاساۋ.
سەمينار-كەڭەس بارىسىندا ازاماتتىق قورعانىس, توتەنشە جاعدايلاردىڭ الدىن الۋ مەن جويۋ ماسەلەلەرى, وقۋ-جاتتىعۋلاردى ۇيىمداستىرۋ, ءورت جانە ونەركاسىپتى باقىلاۋ, تج تۋىنداعاندا شەكارالاس جاتقان كورشى ەلدەرمەن ارەكەت ەتۋ بارىسى تالقىعا ءتۇستى.
سونداي-اق سەمينار-كەڭەس اياسىندا توتەنشە جاعدايلار مينيسترلىگى ءبولىمشەلەرىندە تۇرعان زاماناۋي تەحنيكالاردىڭ جانە ءورت-قولدانبالى سپورتىنان ۇلتتىق قۇرامانىڭ كورسەتىلىمى ءوتتى, دەپ حابارلادى تجم ءباسپاسوز قىزمەتى.