بۇرناعى كۇنى اقوردادا پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى مارات ءتاجين ۇجىمدىق قاۋىپسىزدىك تۋرالى شارت ۇيىمىنىڭ باس حاتشىسى نيكولاي بورديۋجانى قابىلدادى.
كەلىسسوز بارىسىندا تاراپتار 12 تامىز كۇنى قازاقستاندا وتەتىن ۇجىمدىق قاۋىپسىزدىك تۋرالى شارت ۇيىمىنا مۇشە مەملەكەتتەر باسشىلارىنىڭ بەيرەسمي كەزدەسۋىنە دايىندىق بارىسى ءتوڭىرەگىندەگى ماسەلەلەردى اڭگىمە وزەگىنە اينالدىردى.
كەزدەسۋ كەزىندە ن.بورديۋجا جاقىن كۇندەرى ۇقشۇ-عا مۇشە ەلدەرگە جاساعان ساپارىنىڭ قورىتىندىسى جونىندە بايانداپ بەردى.
بۇل كۇنى تاراپتار سونداي-اق ورتالىق ازياداعى قاۋىپسىزدىك جاعدايىن قامتاماسىز ەتۋ, ۇيىمنىڭ قىزمەتىن جەتىلدىرۋ جانە جانداندىرۋ ماسەلەلەرىنە قاتىستى ماسەلەلەردى تالقىعا سالدى.