كەشە مەملەكەت باسشىسى نۇرسۇلتان نازارباەۆ ءبىلىم جانە عىلىم ءمينيسترى باقىتجان جۇماعۇلوۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
مينيستر پرەزيدەنتتى ءبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باعدارلاماسىن ىستە اسىرۋ بارىسى تۋرالى حاباردار ەتتى. «ءبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باعدارلاماسىن تالقىلاۋ بارىسىندا مەملەكەت باسشىسى «بالاپان» باعدارلاماسىمەن جۇمىستى كۇشەيتۋ جونىندە, بارلىق دەڭگەيدەگى ءبىلىم ساپاسىن, سونىڭ ىشىندە ورتا, كاسىپتىك-تەحنيكالىق جانە جوعارى ءبىلىم ساپاسىن جاقسارتۋ جونىندە ناقتى مىندەتتەر قويدى. ورتا ءبىلىم سالاسىندا, ەڭ الدىمەن, پەداگوگيكالىق كادرلاردى دايارلاۋ دەڭگەيىن كوتەرۋ قاجەت. جوعارى وقۋ ورىندارىندا ءبىز جاڭا فورماتسياداعى پەداگوگتەردى دايىنداۋىمىز كەرەك. مەن مەملەكەت باسشىسىنا 1 ءشىلدەدەن باستاپ ەڭبەكاقىنى ارتتىرعانى ءۇشىن قازاقستان مۇعالىمدەرىنىڭ ريزاشىلىق سەزىمدەرىن جەتكىزدىم. 1 قىركۇيەكتەن باستاپ جوعارى سانات ءۇشىن قوسىمشا تولەم 100 پايىزعا ارتتىرىلاتىن بولادى. وسىنىڭ ءبارى بۇگىندە بارلىق دەڭگەيدەگى ءبىلىم ساپاسىنا كوزقاراستى قايتا قاراۋعا ءمۇمكىندىك بەرەدى. جوعارى بىلىمگە قاتىستى ايتساق, ارينە, وعان نازارباەۆ ۋنيۆەرسيتەتى ۇلگى بولا الادى» – دەدى جۋرناليستەرگە ارنالعان بريفينگتە ب. جۇماعۇلوۆ.