كەشە ماسكەۋدە قازاقستان پرەمەر-ءمينيسترى كارىم ءماسىموۆ «كۋرچاتوۆ ينستيتۋتى» ۇلتتىق زەرتتەۋ ورتالىعىنىڭ پرەزيدەنتى ەۆگەني ۆەليحوۆپەن كەزدەستى.
«اكادەميك ە.ۆەليحوۆپەن تەرمويادرولىق سينتەز تۋرالى سويلەستىم», – دەپ جازدى كارىم ءماسىموۆ Twitter-دەگى پاراقشاسىندا.
كەزدەسۋ بارىسىندا اتوم سالاسىنداعى قازاقستاندىق-رەسەيلىك ىنتىماقتاستىقتىڭ وزەكتى ماسەلەلەرى, سونداي-اق كۋرچاتوۆ قالاسىنداعى عىلىمي زەرتتەۋلەر باعدارلاماسى شەڭبەرىندەگى ءوزارا ءىس-قيمىل تالقىلاندى.
سونداي-اق قازاقستان پرەمەر-ءمينيسترى كارىم ءماسىموۆ رف ەسىرتكى اينالىمىن باقىلاۋ جونىندەگى فەدەرالدىق قىزمەتىنىڭ توراعاسى ۆيكتور يۆانوۆپەن كەزدەستى.
* * *
وسى كۇنى كارىم ءماسىموۆ «سوۆرەمەننيك» تەاترىنا بارىپ, ا.گريبوەدوۆتىڭ «اقىلدىڭ ازابى» پەساسى بويىنشا قويىلىمدى تاماشالادى.