ەلوردانىڭ تۋعان كۇنىنە وراي قىزىلوردا قالاسىندا ورنالاسقان «استانا» شاعىن اۋدانىنداعى №1 يپوتەكالىق تۇرعىن ءۇي پايدالانۋعا بەرىلدى. مەملەكەتتىك تۇرعىن ءۇي باعدارلاماسى اياسىندا سالىنعان 50 پاتەرلىك تۇرعىن ءۇيدىڭ قۇرىلىسىن «ينتەگستروي» جشس جۇرگىزگەن.
– وسىدان ەكى اي بۇرىن, 9 مامىر كۇنى ءبىز ۇلى وتان سوعىسىنىڭ ارداگەرلەرىنە پاتەر كىلتىن تابىس ەتتىك. مىنە, ەندى استانا كۇنى مەرەكەسىنە وراي تاعى ءبىر يپوتەكالىق ءۇيدى تاپسىرعالى وتىرمىز. الداعى ۋاقىتتا ءبىز بۇل اۋدانعا ءۇش قاباتتى يپوتەكالىق تۇرعىن ۇيلەر سالىپ, ونىڭ اينالاسىن كوركەيتۋدى جوسپارلاپ وتىرمىز. وسىلايشا ەلباسىنىڭ تاپسىرماسى بويىنشا بۇكىل ەلىمىزدە 2005 جىلى باستالعان مەملەكەتتىك تۇرعىن ءۇي قۇرىلىسى باعدارلاماسى قازاق جۇرتىنىڭ العاشقى استاناسى – سىر وڭىرىندە دە قارقىندى جۇرۋدە, – دەدى وبلىس باسشىسى سالتاناتتى شارادا.
يپوتەكالىق پاتەرلەر بيۋدجەت سالاسى مەن مەملەكەتتىك قىزمەتكەرلەرگە جانە جاس وتباسىلارعا بەرىلىپ وتىر. ءسويتىپ, استانانىڭ مۇشەل تويىنا وراي اقمەشىتتە جاڭا باسپاناعا يە بولعانداردىڭ سانى 50 ادامعا ارتتى.
ەرجان بايتىلەس, قىزىلوردا.