كەشە پارلامەنت ءماجىلىسىنىڭ دەپۋتاتى, حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى قابيبوللا جاقىپوۆ ليتۆا رەسپۋبليكاسىنان بيزنەس-ميسسيامەن كەلگەن دەلەگاتسيامەن كەزدەسۋ وتكىزدى, دەپ حابارلادى ءماجىلىستىڭ ءباسپاسوز قىزمەتى.
كەزدەسۋدە قازاقستانداعى كاسىپكەرلىكتىڭ وركەندەۋىن قامتاماسىز ەتەتىن زاڭدار جايلى, رەسپۋبليكادا قولايلى ينۆەستيتسيالىق احۋالدا ليتۆا كاپيتالىمەن 100 فيرما جۇمىس ىستەپ جاتقانى تۋرالى ايتىلدى. كلايپەداداعى پورتتاردى پايدالانۋ, مادەني بايلانىستار مەن جوعارى وقۋ ورىندارى اراسىنداعى قاتىناستار دا ءسوز بولدى.
«ليتۆا ارقىلى قازاقستان مەن قىتاي اراسىنا لوگيستيكالىق جوبا جاساۋ ءبىزدى قىزىقتىرادى», – دەدى ليتۆا دەلەگاتسياسىن باستاپ كەلگەن «KLASKO» اق كەڭەسىنىڭ مۇشەسى بەنەديكتاس پەتراۋسكاس. ءسوز اراسىندا كەلەشەكتە استانا – ۆيلنيۋس اۆيارەيسىنىڭ اشىلۋى مۇمكىندىگى جونىندە دە ءسوز بولدى. تاراپتار, سونداي-اق قازاقستان پرەزيدەنتى ن.نازارباەۆتىڭ اشىق ساياساتىن باعالاي وتىرىپ, وسى كۇزدە ليتۆا پرەزيدەنتىنىڭ ءبىزدىڭ مەملەكەتىمىزگە جاسايتىن رەسمي ساپارىنا ۇلكەن ءۇمىت ارتىپ وتىرعاندارىن دا جەتكىزدى.