باعدارلاما باقىلاۋدا تۇر

ءسىز نە دەيسىز؟ مىڭداعان ءبۇلدىرشىن با­لا­باقشاعا بارۋعا اسىق. ال­اي­دا, ۇزىن سونار كەزەك ولار­دىڭ اسقاق ارماندارىنا تۇ­ساۋ سالىپ, اتا-انالاردىڭ ور­ىندى-ورىنسىز رەنىشتەرىن تۋدىرىپ جاتادى. كەزەكتىڭ باياۋ جىلجيتىنىنا الاڭ­داۋ­شىلىق تا جوق ەمەس. بۇل ماسەلە نەگىزىنەن وبلىس ور­تا­لىعىنا ءتان دەسە دە بولادى. «ەگەمەن قازاقستاننىڭ» سولتۇستىك قازاقستان وبلىسىنداعى ءتىلشىسى ءومىر ەسقالي وبلىستىق ءبىلىم بەرۋ باسقارماسى باستىعىنىڭ ورىنباسارى شولپان كارينوۆاعا: – ءسىز بۇعان نە دەيسىز؟ – بۇل ماسەلە ءبارىمىزدى تول­عاندىرىپ كەلگەنى راس. كوپ جىل­دار بويى قوردالانىپ قال­عان پروبلەمانى قىسقا مەرزىم ىشىندە شەشۋ قيىن. تەك ەل­با­سىنىڭ تىكەلەي تاپسىرماسى­مەن كىشكەنتاي بۇلدىرشىندەر­دىڭ دامۋىنا ىقپال ەتەتىن ءۇز­دىكسىز ءبىلىم بەرۋدىڭ العاشقى ساتىسى رەتىندەگى مەكتەپكە دەيىنگى ءبىلىم بەرۋگە ۇلكەن نازار اۋدارىلىپ, ولاردى وقىتۋمەن جانە تاربيەمەن قامتاماسىز ەتۋگە باعىتتالعان «بالاپان» ارنايى باعدارلاماسىنىڭ قول­عا الىنۋى ىسكە ۇلكەن سەرپىن بەردى. ءبىر جىلدىڭ ىشىندە عانا مەكتەپكە دەيىنگى بالالار مەكەمەلەرى 356-دان 539-عا كو­بەي­­ىپ, قامتۋ كورسەتكىشى 66,8 پايىزدى قۇرادى. الداعى مىندەتتەر ءتىپتى اۋقىمدى. تاياۋ جىلدارى 8 مىڭعا جۋىق ءبۇل­دىرشىننىڭ ۇشتەن ءبىرىن بالا­باقشاعا ورنالاستىرۋدى كوز­دەپ وتىرمىز. جىل اياعىنا دەيىن 880 ورىندى 4 بالاباقشا بوي كوتەرەتىن بولادى. بۇدان تىسقارى 28 شاعىن ورتالىق اشىلىپ, 1820 بالدىرعان قۋا­نىشقا بولەنەدى. سوندا ال­دا­عى ۋاقىتتا 2,7 مىڭنان استام ءبۇلدىرشىن بالاباقشا ەسىگىن اشادى دەگەن ءسوز. قازىرگى قار­قىن­عا قاراعاندا, جىل سايىن­عى كورسەتكىش 14 پايىزعا دەيىن وسەدى دەگەن بولجام بار. 2020 جىلعا قاراي قالالىق, اۋىلدىق جەرلەردەگى بارلىق بالالاردى مەكتەپ جاسىنا دەيىنگى تاربيە بەرۋ جانە وقى­تۋ­مەن قامتيتىن بولامىز. وسى ورايدا, جەكەمەنشىك ارىپتەس­تىك­تىڭ زور الەۋەتىن پايدالا­نىپ, جەكە مەنشىك وتباسىلىق بالاباقشالار مەن شاعىن ور­تالىقتار اشۋعا ۇلكەن ءمان بەرىلۋدە. بىلتىر پەتروپاۆل قا­لاسىندا 75 بالاعا شاقتالعان ەكى بالاباقشا ىسكە قوسىلدى. بۇدان تىسقارى مەملەكەتتىك ەمەس 11 مەكتەپكە دەيىنگى مەكە­­مە جۇمىس ىستەيدى. سولتۇستىك قازاقستان وبلىسى.