نازارباەۆ ۋنيۆەرسيتەتىندەگى كەزدەسۋ

استانادا ەلىمىزدىڭ پرەمەر-ءمينيسترى – نازارباەۆ ۋنيۆەرسيتەتى قامقورشىلىق كەڭەسىنىڭ توراعاسى كارىم ءماسىموۆ شەتەلدىك جوو-سەرىكتەستەر وكىلدەرىمەن كەزدەسۋ وتكىزدى. كەزدەسۋ بارىسىندا پرەمەر-مينيستر نازارباەۆ ۋنيۆەرسيتەتى مەن ين­تەللەكتۋالدىق مەكتەپتەر جەلىسىن ەلىمىزدىڭ يندۋستريالدىق دامۋى­نا ارنالعان وزىق تەحنولوگيالار مەن يننوۆاتسيالاردى ءازىر­لەۋ جانە ەنگىزۋ جۇيەسىنە اينال­دى­رۋعا قىزىعۋشىلىق ءبىلدىردى. كەزدەسۋدە شەتەلدىك سەرىكتەستەر نازارباەۆ ۋنيۆەرسيتەتىن قۇرۋدىڭ جوعارى قارقىندىلىعىن اتاپ ءوتتى جانە ستۋدەنتتەرگە جوعا­رى ساپالى ءبىلىم بەرۋدى قامتا­ما­سىز ەتۋ ءۇشىن ىنتىماقتاستىققا دايىندىقتارىن راستادى. الداعى وقۋ جىلىندا نازارباەۆ ۋنيۆەرسيتەتى جاڭا فاكۋلتەتتەر – ينجەنەريا, عىلىم جانە تەحنولوگيالار, الەۋمەتتىك جانە گۋما­ني­تارلىق عىلىمدار مەكتەبىن اشادى. «نازارباەۆ ۋنيۆەرسيتەتى ءبۇ­گىنگى جاس بۋىن وكىلدەرىنەن بو­لا­شاقتا ەلدىڭ ۇلتتىق ەكونو­ميكا­سىنا ۇلەستەرىن قوساتىن كوشباس­شىلاردى ازىرلەيتىن بولادى جانە ونداعى عىلىمي-زەرتتەۋ جۇمىس­تا­رى قازاقستاندىق ءبىلىم بەرۋ ستاندارتتارىنىڭ ءبىرى رەتىندە الەمدىك ستاندارتتارعا تەڭەسەتىنى­نە كەپىلدىك بەرەدى دەگەن سەنىمدەمىز», – دەدى نازارباەۆ ۋنيۆەر­سي­تەتىنىڭ رەكتورى شيگەو كاتسۋ  كەزدەسۋلەر قورىتىندىسى بوي­ىن­شا بەرگەن سۇحباتىندا. نازارباەۆ ۋنيۆەرسيتەتى – ەلبا­سىنىڭ باستاماسىمەن اشىلعان استا­ناداعى جوعارى وقۋ ورنى. مەملەكەت باسشىسىنىڭ ويىنشا, ۋنيۆەرسيتەت وتاندىق جوعارى ءبىلىم جۇيەسىنىڭ جالاۋگەرى, زاماناۋي ءبىلىم مەن كادرلار ۇستاحاناسى رەتىندە ماڭىزدى ءرول اتقارادى.