جىلى شىرايلى جۇزدەسۋلەر

بۇگىن استانادا شىۇ-عا مۇشە ەلدەر مەملەكەت باسشىلارىنىڭ مەرەيتويلىق ءسامميتى وتەدى

كەشە اقوردادا مەملەكەت باسشىسى نۇرسۇلتان نازارباەۆ شىۇ-نىڭ مەرەي­توي­لىق ءسامميتىنىڭ قارساڭىندا بىرقاتار ەكىجاقتى كەزدەسۋلەر وتكىزدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. مەملەكەت باسشىسى نۇرسۇلتان نازارباەۆ «قازاقستان» ورتالىق كونتسەرت زا­لىن­دا بىرقاتار ەكىجاقتى كەزدەسۋلەر وتكىزدى. نۇر­سۇلتان نازارباەۆ رەسەي فەدەراتسيا­سى­نىڭ پرەزيدەنتى دميتري مەدۆەدەۆپەن كەزدەستى. – قازاقستاننىڭ شىۇ-عا توراعالىعى اياق­تا­لىپ كەلەدى. ءبىز 110 ءىس-شارا وتكىزدىك, ماڭىزدى قۇجاتتار ازىرلەدىك, بارلىق ۇستانىمدار كەلىسىلدى, – دەپ اتاپ ءوتتى نۇرسۇلتان نازارباەۆ. – ءبىز قاراستىراتىن كۇن ءتارتىبى ماڭىزدى. شانحاي ىنتىماقتاستىق ۇيىمىنىڭ ءسامميتى قازاقستان پرەزيدەنتىمەن كەزدەسۋىمىزدەن باس­تال­عانى مەن ءۇشىن وتە جاقسى. قازاقستاننىڭ ءتور­اعالىعى كەزىندە وتە ۇلكەن جۇمىستار اتقا­رىلدى, ماڭىزدى قۇجاتتار كەلىسىلدى. ەرتەڭ سەسسيا جۇمىسى كەزىندە ءبىز ولاردىڭ ءبارىن تالقى­لاپ, قابىلدايمىز دەپ سەنەمىن, – دەدى كەزدەسۋ بارىسىندا دميتري مەدۆەدەۆ. قازاقستان مەن رەسەي پرەزيدەنتتەرى ەكىجاقتى قارىم-قاتىناستاردىڭ اۋقىمدى ماسەلەسىن, سونداي-اق اعىمداعى ايماقتىق جانە جاھاندىق جاعدايدى تالقىلادى. *  *  *       مەملەكەت باسشىسى نۇرسۇلتان نازارباەۆ وزبەكستان رەسپۋبليكاسىنىڭ پرەزيدەنتى يسلام كاريموۆپەن كەلىسسوز وتكىزدى. كەزدەسۋ كەزىندە ەكىجاقتى ءىس-قيمىل ماسەلەسى, سونداي-اق الداعى ۋاقىتتا وتەتىن شىۇ ءسامميتىنىڭ كۇن ءتارتىبى تالقىلاندى. *  *  *   نۇرسۇلتان نازارباەۆ يران يسلام رەسپۋب­لي­كاسىنىڭ پرەزيدەنتى ماحمۇد احمادينەجادپەن كەزدەستى. ير-دىڭ پرەزيدەنتى نۇرسۇلتان نازارباەۆ پەن قازاقستان حالقىنا جىلى شىرايلى قابىلداۋى ءۇشىن ءوز ريزاشىلىعىن ءبىلدىردى. – ءبىزدىڭ كەزدەسۋىمىز دوستىق كوڭىل-كۇيدە ءوتتى جانە وتە سىندارلى سيپاتتا بولدى, – دەدى ماحمۇد احمادينەجاد كەزدەسۋدەن كەيىن جۋرناليستەر الدىندا سويلەگەن سوزىندە. كەلىسسوزدەر بارىسىندا ەكىجاقتى ارىپتەس­تىكتىڭ ءارتۇرلى قىرلارى, سونداي-اق ايماقتىق جانە حالىقارالىق كۇن تارتىبىندەگى ماسەلەلەر تالقىلاندى. – بيىلعى جىلى ءبىز شىۇ-نىڭ ون جىل­دى­عىن اتاپ وتەمىز. مەن مەرەيتويلىق سامميت با­رى­سىندا بارلىق وزەكتى پروبلەمالار تالقى­لا­نا­دى دەپ سەنەمىن. شىۇ-عا مۇشە ەلدەردىڭ باي الەۋەتى ۇيىمنىڭ كەز كەلگەن ماسەلەنى شەشۋىنە مۇمكىندىك بەرەدى, – دەپ اتاپ ءوتتى م.احمادينەجاد. – مەنىڭ ساپارىم قازاقستان تاۋەلسىزدىگىنىڭ 20 جىلدىعىنا تۇسپا-تۇس كەلدى. مەن حالىقتىڭ ەركىنىڭ جانە پرەزيدەنتتىڭ داناگوي باس­شى­لى­عىنىڭ ارقاسىندا سىزدەردىڭ ەلدەرىڭىز دامۋ قار­قى­نىنىڭ جوعارى كورسەتكىشىنە ودان ءارى دە قول جەتكىزە بەرەتىنىنە سەنەمىن, – دەپ اتاپ ءوتتى يران پرەزيدەنتى. ***   مەملەكەت باسشىسى نۇرسۇلتان نازارباەۆ تاجىكستان رەسپۋبليكاسىنىڭ پرەزيدەنتى ەمومالي راحمونمەن كەزدەسۋ وتكىزدى. تاراپتار ايماقتاعى جاعدايدى, ەكىجاقتى ءىس-قيمىل ماسەلەسىن, سونداي-اق الداعى ۋاقىتتا وتەتىن شىۇ ءسامميتىنىڭ كۇن ءتارتىبىن تالقىلادى. *  *  *   پرەزيدەنت نۇرسۇلتان نازارباەۆ پاكستان يسلام رەسپۋبليكاسىنىڭ پرەزيدەنتى اسيف ءالي زارداريمەن كەزدەستى. كەزدەسۋ بارىسىندا ايماقتىق قاۋىپسىزدىكتىڭ ءارتۇرلى قىرلارى, ەكىجاقتى قارىم-قاتىناستاردى ودان ءارى دامىتۋ, سونداي-اق حالىقارالىق كۇن تارتىبىندەگى وزەكتى ماسەلەلەر تالقىلاندى. – مەن شانحاي ىنتىماقتاستىق ۇيىمىن ۇلى بىرلەستىك دەپ سانايمىن. پاكستان ونىڭ قۇرامى­نا كىرۋدى قالاپ وتىر جانە ۇيىمنىڭ بارلىق ءمۇ­شەلەرىنىڭ قولداۋىنان ۇمىتتەنەدى. مەن شىۇ-نىڭ ۇلكەن پەرسپەكتيۆاسى بار دەپ سەنەمىن, – دەپ اتاپ ءوتتى جۋرناليستەر الدىندا سويلەگەن سوزىندە پاكستان پرەزيدەنتى. – بۇل – مەنىڭ پاكستان پرەزيدەنتى رەتىندە قازاقستانعا العاشقى ساپارىم. مەن قازاقستان حالقىن جانە ۇلى ليدەرى نۇرسۇلتان نازار­باەۆتى رەسپۋبليكا تاۋەلسىزدىگىنىڭ 20 جىل­دىعىمەن شىن جۇرەكتەن قۇتتىقتايمىن! – دەدى ءا.زارداري. *  *  *     نۇرسۇلتان نازارباەۆ اۋعانستان يسلام رەسپۋبليكاسىنىڭ پرەزيدەنتى حاميد كارزايمەن كەزدەستى. كەزدەسۋ بارىسىندا ەكىجاقتى قارىم-قاتىناستاردى ودان ءارى دامىتۋ ماسەلەسى, اۋعانستانداعى اعىمداعى جاعداي, سونداي-اق ونى بەيبىت رەتتەۋ پەرسپەكتيۆاسى تالقىلاندى. – سوڭعى 5 جىلدا مەن سىزدەردىڭ ەلدە­رىڭىزگە بەسىنشى رەت كەلىپ تۇرمىن. ءاربىر كەلگەن سايىن سىزدەردىڭ كوشباسشىلارىڭىز نۇرسۇلتان نازار­باەۆتىڭ كورەگەن ساياسا­تىنىڭ ارقاسىندا قازاق­ستان قارقىندى دا­مىپ كەلە جاتقانىنا كوز جەتكىزەمىن. ءسىز­دەردىڭ حالقىڭىز بەن پرەزيدەنتتى تاۋەل­سىزدىكتىڭ 20 جىلدىعىمەن قۇتتىقتايمىن! – دەدى حاميد كارزاي جۋرناليستەر الدىندا سويلەگەن سوزىندە. ***   مەملەكەت باسشىسى نۇرسۇلتان نازارباەۆتىڭ قىرعىز رەسپۋبليكاسىنىڭ پرەزيدەنتى روزا وتۋنباەۆامەن كەلىسسوزى بولىپ ءوتتى. تاراپتار ايماقتاعى جاعدايدى, ەكىجاقتى ءوزارا ءىس-قيمىل ماسەلەسىن, سونداي-اق الداعى ۋاقىتتا وتەتىن شىۇ ءسامميتىنىڭ كۇن ءتارتىبىن تالقىلادى. – شىۇ – بيىلعى جىلى ءوزىنىڭ ون جىلدىعىن اتاپ وتەتىن بەدەلدى ۇيىم. ونىڭ قۇرامىنا قازاقستان, رەسەي جانە قىتاي كىرەدى, ال بۇل وتە ىرعاقتى دامىپ كەلە جاتقان ەكونوميكا, – دەدى ر.وتۋنباەۆا كەزدەسۋدىڭ قورىتىندىسى بويىنشا جۋرناليستەرگە. – ءبىز قازاقستان پرەزيدەنتىنىڭ ساپارىن تاعاتسىزدانا كۇتۋدەمىز. ءبىز نۇرسۇلتان ءابىش ۇلى ءبىزدىڭ ەلىمىزدەگى جاعداي تۋرالى جاقسى حاباردار ەكەنىن جانە قىرعىزستانمەن ىنتىماقتاستىققا ۇلكەن ءمان بەرەتىنىن بىلەمىز, – دەپ اتاپ ءوتتى قىرعىز رەسپۋبليكاسىنىڭ پرەزيدەنتى. *  *  *       سونىمەن قاتار, قازاقستان پرەزيدەنتى ءۇندىستاننىڭ سىرتقى ىستەر ءمينيسترى سوماناحاللي ماللاياح كريشنامەن, بۇۇ باس حاتشىسى­نىڭ ورىنباسارى يۋري فەدوتوۆپەن جانە شىۇ باس حاتشىسى مۇراتبەك يماناليەۆپەن كەزدەستى. سۋرەتتەردى تۇسىرگەندەر س.بوندارەنكو, ب.وتارباەۆ.