كەشە قازاقستان رەسپۋبليكاسىنىڭ پرەمەر-ءمينيسترى كارىم ءماسىموۆ استاناعا مەملەكەتتىك ساپارمەن كەلگەن قىتاي حالىق رەسپۋبليكاسىنىڭ توراعاسى حۋ تسزينتاومەن كەلىسسوزدەر ءجۇرگىزىپ, ەكىجاقتى بايلانىستىڭ ءارتۇرلى ماسەلەلەرىن تالقىلادى.
كەزدەسۋ بارىسىندا ەكونوميكانىڭ شيكىزاتتىق ەمەس سالاسىنداعى, اگروونەركاسىپتىك كەشەندەگى جانە ەنەرگەتيكالىق رەسۋرستاردى قايتا وڭدەۋ جانە تاسىمالداۋ سالالارىنداعى بىرلەسكەن جوبالاردى ءىس جۇزىنە اسىرۋ ماسەلەلەرى ءسوز بولدى. سونىمەن بىرگە تاراپتار ساۋدا, ينۆەستيتسيالىق, كولىك ترانزيتتىك, شەكارالىق بايلانىستاردى دامىتۋ ۇدەرىستەرىن, سونىمەن بىرگە ترانسشەكارالىق سۋ كوزدەرىن پايدالانۋ ماقساتىنداعى ءوزارا ءىس-قيمىل شارالارىن تىلگە تيەك ەتتى.