اۋىل جولى – ءومىر جولى

ارىدەگى اسىل ارنالاردان سىر تارتساق: «جول مۇراتى – جەتۋ». قازىرگى كەزەڭنىڭ شىندىعىنا دەن قويساق: «قيىننىڭ قيىنى – جول ازابى». حالىق قاعيداسى مەن ءومىر فيلوسوفياسىنىڭ باستى شىن­دى­عى مەن الشاق تۇستارى وسىعان كەلىپ سايادى. قازىرگى كەزەڭنىڭ شى­نايى كورىنىسى دە, پارودوكسى دە وسى. ونى كوز كوردى. كوڭىل سەندى. باق جۇيەسىنەن بايقاپ, ءبىلىپ-جۇرگەنىمىزدەي, ەلىمىزدىڭ جەر-جە­رىندە «جول ازابىن» ازايتۋ باعى­تىندا ماڭىزدى قادامدار جا­سا­لىپ, ىرگەلى ىستەر اتقارىلىپ-اق كەلەدى. ۇلكەن- كىشى قالالاردا ءبىر كوشەنىڭ وزىنە الدەنەشە رەت ءجون­دەۋ جۇمىستارى جۇرگىزىلەدى. بۇل باعىتقا – ەلباسىنىڭ ءداستۇرلى جولداۋى, «جول كارتاسى» دا جاڭا تىنىس, سونى سەرپىن بەردى. اقيقاتىندا, «جول كارتاسى» باعدارلاماسىنا ەنبەگەن, باسشى-قوسشىلاردىڭ نازارىنان تىس قا­لىپ كەلە جاتقان اۋىل-ايماق­تاردىڭ دا بار ەكەنىن ايتقىمىز كەلەدى. «ۇزىن ارقان, كەڭ تۇساۋعا» سالماي, اقيقاتىن ايتساق ەجەلگى تارازدان ءجۇز شاقىرىم توڭىرە­گىندە عانا شالعاي ورنالاسقان تالاس اۋدانىنا قاراستى «اققۇم» اۋىلى تۇرعىندارىنىڭ اۋدان ءھام وبلىس ورتالىعىنا جەتۋى ەرتەلى-كەش ايتىپ تاۋسىلمايتىن ىلكى كە­زەڭدەردىڭ ەسكى ەرتەگىسىندەي, ون­دا­عى جاقسى ءومىر, جارقىن بولا­شاق­تى اڭساعان ارمان-اڭسارلارىن­داي, ءتىپتى جاسىراتىنى جوق, ونىڭ ءوزى سىناپتاي سىرعىپ, ساعىمداي بۇلدىراپ جان-جۇرەككە «ماڭگىلىك ۇيالاپ», مۇڭ مەن شەرگە اينال­عا­نىنا دا بىرنەشە ونجىلدىقتار ءوتتى. «ارعى تاريحتى» ايتپاعاندا, «بوستاندىق» پەن «تالاپتى» ەلدى مەكەندەرىنەن شىقپا جانىمدى الدەنەشە قايتالاپ, جان-جۇرەك­تەرىن ۋىستارىندا ۇستاعان اۋىل تۇرعىندارى «اققۇمدى» بەتكە العاندا-اق (قايتقان تۇستارىندا دا) العا باسقان اياقتارى كەرى كەتە بەرەدى. ەركىن ادىمداپ, قارىشتى قادام جاساۋلارى قيىننىڭ قيى­نى-اق. سەبەبى تۇسىنىكتى, بار-جوعى بەس-جەتى شاقىرىم جولدى بىرنەشە ساعاتتا جۇرەدى. تاراتىپ ايت­ساق, «اققۇم» مەن «بوستاندىق» ارا­سىنداعى ايقىش-ۇيقىش, وي­لى-قىرلى, ويدىم-ويدىم جەرلەردەن اياق الىپ ءجۇرۋ نەمەسە اي­نا­لىپ ءوتۋ, باسقا دا امال-ءتا­سىلدەرىن جاساۋ – كۇرمەۋى قيىن, ءتۇيىنى مىقتى, الىنباس اسۋعا اينالعالى قاشان... اۋىل جولى ءومىر جولى ەكەنىن ەسكەرسەك, التىن تامىردان ءنار الىپ, كەمەل كەلەشەككە قارىشتى قادام جاساعانعا نە جەتسىن! اۋىلدا دا ءومىر بار. اۋىل مەن استانانىڭ اراسىن جول جال­عاي­دى. ەندەشە, ءسوز جوق اۋىل جولى – ءومىر جولى ەكەنى انىق. جو­لىمىز داڭعىل بولسا, ءومىرىمىز ءمان­دى, تۇرمىس تا ءساندى بولارى حاق. الىس اۋىلدىڭ ارمان-اڭسارلارىنىڭ ءبىرى وسى. راقىمجان ساعىمبەك ۇلى, قازاقستان جۋرناليستەر وداعىنىڭ مۇشەسى. جامبىل وبلىسى, تالاس اۋدانى, «اققۇم» اۋىلى.