ىقپالداستىقتى ارتتىرۋ باعىتىنداعى قادامدار

قازاقستان رەسپۋبليكاسىنىڭ پرەمەر-ءمينيسترى كارىم ءماسىموۆ كەشە بەلارۋس رەسپۋبليكاسىنىڭ استاناسى مينسك قالاسىنا ۇشىپ كەلدى. مۇندا ول وسى كۇنى تمد-عا مۇشە مەملەكەتتەر ۇكىمەت باس­شى­لارى كەڭەسىنىڭ شاعىن جانە كە­ڭەيتىلگەن قۇرامدا وتكەن وتى­رىس­تارىنا قاتىستى. سول سياقتى ك.ءماسىموۆ ەۋرازەق مەملەكەت­ارا­لىق كەڭەسىنىڭ ۇكىمەتتەر باس­شى­لارى دەڭگەيىندە وتكەن كەڭەي­تىلگەن وتىرىسىنىڭ جۇمىسىنا دا قاتىستى. كۇن تارتىبىنە 19 ماسەلە ەنگىزىلىپ وتىر. وندا تمد-عا مۇشە مەملەكەتتەردىڭ ەكونوميكالىق سا­لا­داعى قىزمەتتەستىگى تاقى­رىبى باسىمدىققا يە بولماق. اڭگىمە تمد كەڭىستىگىندە ساۋدانى كەڭ اۋقىمدى بەيتاراپتاندىرۋ ءۇشىن قاجەتتى قازىرگى زامانعى تالاپتارعا جاۋاپ بەرەتىن بىرەگەي كەلىسىم-شارت­تىق بازا قالىپتاستىرۋعا, ءوزارا ساۋدا­داعى كوپتەگەن كەدەرگىلەردى جويۋعا باعىت­تال­عان ەركىن ساۋدا ايماعى تۋرالى كەلىسىم-شارتقا قول قويۋ, سول سياقتى تمد-عا مۇشە مەملەكەت­تەردىڭ 2020 جىلعا دەيىنگى كەزەڭگە ارنالعان يننوۆاتسيالىق قىزمەتتەستىگىنىڭ مەملەكەتارا­لىق باعدارلاماسىنىڭ الدىن-الا ازىرلەنگەن جوباسى جونىندە بولىپ وتىر. سونىمەن بىرگە, ونەگەلىلىك قۇندىلىقتار مەن مادەني مۇرالار نەگىزىندە مادەنيەتتىڭ, ءبىلىم بەرۋدىڭ جانە عىلىمنىڭ ايرىقشا ينتە­گرا­تسيالىق الەۋەتىن پايدالانا وتىرىپ ءجۇر­گى­زىلە­تىن مادەنيەتارالىق ۇنقاتىسۋ سالاسىن­دا­عى گۋماني­تارلىق قىزمەت باعىتى دا ماڭىزدى بولىپ تابىلادى. باسقوسۋدا ازىق-ت ۇلىك قاۋىپ­سىزدىگى, تمد-نىڭ سالا­ارا­لىق قىزمەتتەستىك ورگاندارىن قۇرۋ, بۇرىن قابىلدانعان قۇجاتتارعا وزگەرىستەر ەنگىزۋ جانە ءوزارا ىقپالداستىقتىڭ باسقا دا با­عىتتارى اڭگىمە وزەگىنە اينالدى. «ەگەمەن-اقپارات».