كەشە استاناداعى تاۋەلسىزدىك سارايىندا ەۋروپا قايتا قۇرۋ جانە دامۋ بانكى باسقارۋشىلار كەڭەسىنىڭ جىل سايىنعى وتىرىسى اياسىندا قازاقستاننىڭ ينۆەستيتسيالىق فورۋمى بولىپ ءوتتى. وعان پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ, ەقدب باسشىسى توماس ميروۆ, قارجى ءمينيسترى بولات جامىشەۆ جانە باسقالار قاتىستى. اسەت يسەكەشەۆ ەۋروپا قايتا قۇرۋ جانە دامۋ بانكى باسقارۋشىلارى كەڭەسىنىڭ اشىلۋ سالتاناتىنا وراي پرەمەر-مينيستر كارىم ءماسىموۆتىڭ ارنايى قۇتتىقتاۋىن وقىپ بەردى.
قازاقستان ءوز الدىنا كەلەشەكتە جاڭا تەحنولوگيالىق بازاعا, يننوۆاتسياعا, ونىمدەرگە, تەحنولوگياعا نەگىزدەلگەن ەكونوميكانىڭ جەدەل ءارتاراپتاندىرىلۋى مەن ۇدەمەلى يندۋستريالىق-يننوۆاتسيالىق دامۋ جولىنا كوشۋ سەكىلدى ۇلكەن ماقسات قويىپ وتىر. مۇنداي ستراتەگيالىق تاڭداۋ ەكونوميكانى عانا ەمەس, قازاقستاننىڭ تۇتاس بەينەسىن جاڭارتۋدى دا كوزدەيدى. دەلىنگەن قۇتتىقتاۋ حاتتا. مۇندا ەلىمىزدىڭ باسىم سالالارىن ينۆەستيتسيالايتىن نيەتى بار شەتەلدىك كومپانيالاردىڭ ارىپتەستىگىن تەرەڭىرەك قاراستىرۋ جانە كەڭەيتۋ ءۇشىن ۇلكەن الەۋەت اشىلادى دەپ ويلايمىن. مەن سىزدەرگە ەلىمىزدى يندۋستريالاندىرۋ بويىنشا جوسپارلارىمىزدى جۇزەگە اسىرۋعا قوسىلىپ, ءارىپتەستىكتىڭ جاڭا ساتىسىنا كوشۋدى ۇسىنامىن. بۇل ارادا مەن جاڭا وندىرىستەردى قۇرىپ, باسىم سالالاردى ينۆەستيتسيالاۋ بويىنشا شىنايى قادامدار جاساۋ قاجەت. بۇل ءۇشىن قازاقستاندا ودان ءارى دامۋعا قاجەتتى بازا ەنگىزىلگەن
جانە «ۇسىنا الاتىنداي لايىقتى ىستەر بار». ەلىمىزدە زاماناۋي تەحنولوگيالارمەن جۇمىس ىستەيتىن كومپانيالارعا قاجەتتى جاعدايلار جاسالعان. قازاقستان سالىقتىق-ينۆەستيتسيالىق قولايلى احۋالىمەن, تۇراقتى بانكتىك قارجىلىق جۇيەسىمەن ەرەكشەلەنەدى. مەملەكەت باسىم باعىتتاردا ەڭ الدىمەن وڭدەۋ ونەركاسىبىنە بايلانىستى جەڭىلدەتىلگەن كەدەندىك سالىقتار بەلگىلەيدى.
پرەمەر-مينيستر قۇتتىقتاۋ حاتىندا رەسەي, بەلارۋس جانە قازاقستان اراسىندا قۇرىلعان كەدەن وداعى دا شەتەلدىك جانە وتاندىق ينۆەستورلار الدىندا جاقسى مۇمكىندىكتەر اشادى دەلىنگەن. مەنىڭشە, ەۋروپالىق كاسىپكەرلەر بىزبەن بىرىگە وتىرىپ اۋماعىندا 170 ملن. ادام بار ءىرى رىنوكتى يگەرە الار ەدى. قازاقستان ۇنەمى ءوزىنىڭ كولىك ينفراقۇرىلىمىن جاقسارتۋ بويىنشا جۇمىس اتقارىپ كەلەدى. ءوز گەوگرافيالىق ورنالاسۋىن جانە ترانزيتتىك الەۋەتتى ءتيىمدى قولدانۋدىڭ نەگىزگى فاكتورلارىنىڭ ءبىرى ءتيىستى كوممۋنيكاتسيالىق-كولىكتىك ينفراقۇرىلىم جۇيەسىن قالىپتاستىرۋ بولىپ تابىلادى. سوندىقتان قازاقستان ءوز كولىك ينفراقۇرىلىمى جۇيەسىن جاقسارتۋعا ۇنەمى نازار اۋدارادى. اتاپ ايتقاندا, «باتىس ەۋروپا-باتىس قىتاي» مەملەكەتارالىق ترانزيتتىك ءدالىزىنىڭ قۇرىلىسى تۋرالى ينۆەستورلارعا اقپارات بەردىك. ال ونىڭ 2 700 شاقىرىمى قازاقستان اۋماعىنان وتەدى, بولجالدى جۇك تاسىمالىنىڭ كولەمى 2020 جىلعا قاراي جىلىنا 300 ملن.توننانى كورسەتەدى.
فورۋمدا سوڭ ءسوز العان ەقدب باسشىسى توماس ميروۆ قازاقستاندى ءبۇكىل الەم ءۇشىن «ازىق-ت ۇلىكتىك نۇح كەمەسى» رولىندە كورەتىندىگىن جەتكىزدى. ەقدب باسشىسى الەمدەگى ازىق-ت ۇلىك باعاسىنىڭ وسۋىنە, عاسىر سوڭىنا قاراي ازىقپەن 9 ملرد. ادامدى قامتاماسىز ەتۋ قاجەتتىگىن ەسەپكە العان جاعدايدا قازاقستاننىڭ اۋىلشارۋاشىلىق سەكتورى ينۆەستورلار ءۇشىن تۇرەن سالىنباعان ناعىز بايلىق كوزى ەكەندىگىن اتاپ ءوتتى. رەسەي جانە ۋكراينامەن بىرگە, بۇۇ-نىڭ الەمدىك ازىق-ت ۇلىك ۇيىمى قازاقستاندى دۇنيە ءجۇزىندە ىسكە قوسىلماعان وتە ۇلكەن اۋىلشارۋاشىلىق الەۋەتى بار ەلدەر قاتارىنا جاتقىزادى, دەدى ول. ءوز تاراپىنان توماس ميروۆ ەقدب قازاقستاننىڭ وسى الەۋەتىن ىسكە قوسۋعا ۇلەسىن ايامايتىندىعىنا سەندىردى. ول قازاقستاننىڭ اۋىل شارۋاشىلىعى سالاسىن ينۆەستيتسيالاۋدى دامىتۋ بويىنشا بايلانىس ورناتۋ ءۇشىن بارلىق مۇمكىن شارالاردى قولدانۋعا شاقىردى. ءبىز قازاقستاننىڭ تابىستى دامۋىنا ۇنەمى قولداۋ كورسەتەتىنىمىزگە سەندىرگىمىز كەلەدى, دەدى ەقدب باسشىسى.
تۇستەن كەيىن ينۆەستيتسيالىق فورۋم پانەلدىك سەسسيالار بويىنشا ۇشكە ءبولىنىپ جۇمىس جاسادى. پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ «ينۆەستيتسيالىق جوبالاردى جۇزەگە اسىرۋدىڭ نەگىزگى قۇرالى – ءۇيدب» تاقىرىبىنا ارنالعان پانەلدىك سەسسيادا ەل ۇكىمەتى ەلدەگى ينۆەستيتسيالىق احۋالدى جاقسارتۋ باعىتىندا ۇلكەن جۇمىس اتقارىپ جاتقاندىعىنا توقتالدى. مەنىڭشە, ينۆەستورلار ورتالىق ازيا ەلدەرى مەن تمد-داعى ينۆەستيتسيالىق احۋالدى سالىستىرا الادى. قازاقستان ينۆەستيتسيالىق احۋال بويىنشا تمد-دا كوشباسشى ورىندا دەپ ويلايمىز, دەدى ول.
قالعان ەكى پانەلدىك سەسسيا قازاقستاننىڭ مۇناي سالاسىنداعى ينۆەستيتسيالىق تارتىمدىلىعى جانە جاڭا مۇمكىندىكتەرى, قازاقستاننىڭ ينستيتۋتتىق ينۆەستورلار ءۇشىن ينۆەستيتسيالىق تارتىمدىلىعى, كاپيتال رىنوگىنىڭ دامۋى تاقىرىپتارىنا ارنالدى. بۇل كۇنى تاعى ءبىر جاقسى جاڭالىق حابارلاندى. «قازمۇنايگاز» ۇلتتىق كومپانياسىنىڭ باسشىسى قايىرگەلدى قابىلدين كاسپي ماڭى باسسەينىندە, اقتوبەنىڭ وڭتۇستىك-شىعىسىندا جاڭا مۇناي-گاز كەن ورنى ناقتىلانعانىن جەتكىزدى. ءبىز جىلدىڭ باسىندا جاڭاجول, كەڭقياق كەن ورىندارى ايماعىندا مۇناي مەن گاز كەنىن تاپقان بولاتىنبىز. جۋىردا سوندا سىناق وتكىزىپ, ءناتيجەسىندە ەلىمىزدە جاڭا مۇناي جانە گاز كەن ورنى پايدا بولدى دەپ باتىل ايتا الامىز. تۇڭعىش رەت تاۋەلسىز قازاقستان تاريحىندا ءوز كۇشىمىزبەن ءىرى مۇناي-گاز كەن ورنىن تاپتىق. ونىڭ قورى 200 ملن. تونناداي بولادى, دەدى ول.
فورۋمعا 1500-دەن استام ادام قاتىستى. ولاردىڭ قاتارىندا مەملەكەتتىك ورگاندار وكىلدەرى, عىلىمي قىزمەتكەرلەر, سونداي-اق كاسىپكەرلەر ۇيىمدارى, شەتەلدىك بيزنەس وكىلدەرى بار.
ۆەنەرا تۇگەلباي.