«نۇربانكتىڭ» 2007 جىلى ۇرلانعان توپ-مەنەدجەرلەرىنىڭ سۇيەگى اراعا 4 جىل سالىپ تابىلدى. جولداس تەمىراليەۆ پەن ايبار حاسەنوۆتىڭ زايىپتارى جاندارىن شۇبەرەككە ءتۇيىپ, ارىستارىنىڭ امان ورالاتىنىنا سەنگەنىمەن, جازمىش ونى بۇيىرتپاپتى. اتالعان ەكى ازاماتتىڭ ادام قولىنان قازا بولعانىن ەندى جالپاق جۇرت بىلەدى. ال ادام قانىن موينىنا جۇكتەگەندەردىڭ شەت ەلدە ارقاسىن قىزدىرىپ, بارماعىن بالعا باتىرىپ وتىرعاندارى ايان.
«ەگەمەن قازاقستاننان» وقىعانىمىزداي, پروكۋراتۋرا قىزمەتكەرلەرى «قازتەلەراديونىڭ» قويمالار بازاسىنىڭ اۋماعىنان تابىلعان سۇيەكتەر تەمىراليەۆ پەن حاسەنوۆتىكى ەكەنىن ايتىپ وتىر. ءتىپتى, تابىلعان ءمايىتتىڭ ءبىرى تەمىراليەۆتىڭ ءتىس پروتەزىنە سايكەس كەلەتىنى دە بايان ەتىلدى.
الماتى قالاسىنىڭ المالى اۋداندىق سوتى اليەۆ, كوشلياك, مۇساەۆ, ساپوجنيكوۆ, يماشەۆقا سىرتتاي ۇكىم شىعارعانىمەن, ولار اۆستريادا ءجۇر. ەندى ولاردى ەلگە ەكستراديتسيالاۋ ماسەلەسىن شىنداپ قولعا الىپ, قىلمىسكەرلەردى وسىندا اكەلىپ, ءتيىستى جازاسىن وتەتتىرۋ قاجەت. «قازاقستاندا ادام قانىن مويىنا جۇكتەپ, شەت ەلگە قاشىپ, جازادان جالتارۋعا بولادى» ەكەن دەگەن تۇسىنىك قالىپتاسۋى دا عاجاپ ەمەس. «قىلمىسكەردىڭ ورنى – اباقتى» دەيدى. سوندىقتان حالىق قىلمىستىق توپ وكىلدەرىن تەمىر توردىڭ ارعى بەتىنەن كورگىسى كەلەدى.
عاني باي ۇلى, «جاس عالىمدار اليانسىنىڭ» توراعاسى.
قىزىلوردا وبلىسى.