بيىلعى جىلى سەمەيدەگى عانا ەمەس, بۇكىل ەلىمىز بويىنشا ەڭ بايىرعى ءبىلىم وشاقتارىنىڭ ءبىرى دە بىرەگەيى م.اۋەزوۆ اتىنداعى پەداگوگيكا كوللەدجىنىڭ قۇرىلىپ, جۇمىس ىستەي باستاعانىنا 110 جىل تولادى. العاشقىدا پەدتەحنيكۋم بولىپ اشىلعان بۇل وقۋ ورنىندا زامانىندا مۇحاڭنىڭ ۇزەڭگىلەس دوستارى ءجۇسىپبەك ايماۋىتوۆ پەن الكەي مارعۇلان, ودان بەرگىدە شاكەن ايمانوۆ پەن ءازىلحان نۇرشايىقوۆ, كەشەگى كەڭەس زامانىندا رەسپۋبليكامىزدىڭ ىشكى ىستەر جانە وقۋ مينيسترلەرى بولعان قابىلبەك شىراقباەۆ پەن ءابدىحاميت سەمباەۆ سىندى جانە باسقا كوپتەگەن كورنەكتى تۇلعالار وقىپ, ءبىلىم العان.
مىنە, سول بايىرعى وقۋ ورنىنىڭ زامانىمىزدىڭ زاڭعار جازۋشىسى مۇحتار اۋەزوۆ ەسىمىمەن اتالعانىنا ءبىراز جىل بولىپ قالدى. كيەلى وقۋ ورنىن بۇگىندە فيلولوگيا عىلىمدارىنىڭ كانديداتى شاعان جاناەۆا بىلىكتىلىكپەن باسقارىپ كەلەدى دەسەك, جۋىردا كوللەدجدىڭ الداعى مەرەيتويىنا وراي «اۋەزوۆ تالانتىنا تاعزىم» دەگەن اتپەن يگى ءىس-شارا ءوتتى. قالالىق مادەنيەت سارايىندا وتكەن بۇل اۋقىمدى جيىنعا استانادان ل.گۋميلەۆ اتىنداعى ەۋرازيا ۋنيۆەرسيتەتى جانىنداعى وتىرار كىتاپحاناسىنىڭ ديرەكتورى, اۋەزوۆتانۋشى عالىم-جازۋشى تۇرسىن جۇرتباي ارنايى شاقىرىلدى. پەدكوللەدج وقۋشىلارى عالىم-جازۋشىنىڭ اۋەزوۆ مۇراسىن زەرتتەۋدەگى زور ەڭبەگىن اشىپ كورسەتە بىلسە, تۇرسىن مىرزا اۋەزوۆتانۋ, الاشتانۋ تاقىرىبىنا قالاي كەلگەنىن ەرەكشە تولعانىسپەن بايانداپ بەردى.
اسەرلى جيىن سوڭىندا تۇرسىن جۇرتباي پەدكوللەدجدىڭ ەندى عانا شىعارىلعان اۋەزوۆ توسبەلگىسىمەن ماراپاتتالدى.
داۋلەت سەيسەن ۇلى.
سەمەي.