سوزاق اۋدانىندا وتكەن «تۇركى بەسىگى – تۇركىستان» بايقاۋىنا ەڭ كوپ كىتاپ وقيتىن وقىرماندار شاقىرىلدى. بۇل باستاماعا شىمكەنتتەگى ى.التىنسارين اتىنداعى وبلىستىق بالالار كىتاپحاناسى مەن اۋداندىق ورتالىق كىتاپحانا ۇيىتقى بولدى.
«تۇركى بەسىگى – تۇركىستان» بايقاۋى قازاق حاندىعى تاريحىن, حاندارى مەن بيلەرى رۋحىن قۇرمەتتەۋدەن تۋعان ءىس-شارا. مۇندا 7-15 جاس ارالىعىنداعى بالالاردىڭ ەڭ كوپ كىتاپ وقيتىنى انىقتالىپ, ولارعا قولداۋ كورسەتىلدى.
«بۇكىل اۋىلدىق كىتاپحانالاردان 16 وقىرمان قاتىسىپ, جاس ەرەكشەلىكتەرىنە قاراي ونەر كورسەتىپ, سۇراقتارعا جاۋاپ بەردى. ماقساتى – كىتاپ وقۋعا باۋلۋ, ءوزىمىزدىڭ حالقىمىزدىڭ ادەبيەتىن, مادەنيەتىن, تاريحىن ناسيحاتتاۋ. بايقاۋ جوعارى دەڭگەيدە ءوتتى», – دەيدى سوزاق اۋداندىق ورتالىق كىتاپحاناسىنىڭ ديرەكتورى زاكيرا پارىمبەكوۆا.
سايىس ءۇش كەزەڭدى قامتىدى.
بۇل سىندا تاۋكەنت كەنتىنەن كەلگەن جاس وقىرمان ديدار يبادۋللا باس جۇلدەنى ەنشىلەپ, وبلىستىق بايقاۋعا جولداما الدى.
باقتيار تايجان,
«ەگەمەن قازاقستان»