بيىل اقمولا وبلىسىنىڭ اتباسار, ساندىقتاۋ, استراحان اۋداندارىنداعى كەيبىر ەلدى مەكەندەردى سۋ باسىپ, تۇرعىندار قيىن جاعدايدى باستان كەشىرۋدە.
جالپى, استراحان اۋدانىندا 112 ءۇي سۋ استىندا قالعان. 280 ادام قاۋىپسىز جەرگە كوشىرىلگەن, ونىڭ ىشىندە 89 بالا بار. وسىنداي قيىن جاعدايعا قالعان اعايىندارعا «نۇر وتان» پارتياسى استانا قالالىق فيليالى مەن استانا قالاسىنىڭ قازاقستان حالقى اسسامبلەياسى اقمولا وبلىسىنىڭ قىزىلجار, نوۆىي كولۋتون ەلدى مەكەندەرىنە گۋمانيتارلىق كومەك جاسادى.
«قايىرىمدىلىق - حالقىمىزدىڭ ەڭ ىزگى قاسيەتتەرىنىڭ ءبىرى. «جاناشىرلىققا - جان ريزا» دەگەندەي سۋ تاسقىنىنان زارداپ شەككەندەرگە قامقورلىق جاساۋ, ايالى الاقانىن توسىپ, جۇرەك جىلۋىن ۇسىنۋ, ساۋابى مول ىسكە اتسالىسۋ, ءاربىر ادامنىڭ ازاماتتىق پارىزى ەمەس پە؟ مىنە ەندى ءبىزدىڭ قالالىق نۇروتاندىقتار اقمولا وبلىسىنا اتتانىپ بارادى», - دەدى «نۇر وتان» پارتياسى استانا قالالىق فيليالى توراعاسىنىڭ ءبىرىنشى ورىنباسارى ەدىل مامىتبەكوۆ ەلوردادان اقمولا وبلىسىنا گۋمانيتارلىق جۇك كەرۋەنىن شىعارىپ سالۋ سالتاناتىندا.
«نۇر وتان» پارتياسى استانا قالالىق فيليالىنىڭ بۇل گۋمانيتارلىق باستاماسىنا ەلوردالىق قازاقستان حالقى اسسامبلەياسىنىڭ وكىلدەرى ءوز ۇلەستەرىن قوستى. جالپى قۇنى 8 ميلليون بولاتىن تۇرمىسقا قاجەتتى زاتتاردىڭ ىشىندە كيىم-كەشەك, توسەك-ورىندار, اياق كيىم جانە ۇن, ماكارون, قانت, كۇرىش سياقتى ازىق-ت ۇلىك بار. وسىنشاما گۋمانيتارلىق كومەك جاساۋدا «BIG شانحاي» بازارىنىڭ باسشىسى, استانا قالالىق ءماسليحاتىنىڭ دەپۋتاتى قايىرلى تاۋكەننىڭ قوسقان ۇلەسىن ەرەكشە اتاپ وتكەن ءجون. ول بازاردا ساۋدا جاسايتىن 5 مىڭعا جۋىق ارەنداتور- ساۋداگەرلەرگە «جاقانىڭا جاردەمدەس» اكتسياسى نەگىزىندە ۇندەۋ تاستادى. سونىڭ نەگىزىندە بازاردا جۇمىس ىستەيتىن 12 ۇلتتىڭ وكىلى سۋ تاسقىنىنان قيىندىق كورگەن حالىقتىڭ جاعدايىنا تۇسىنىستىكپەن قاراپ, ءوز كومەكتەرىن اياماي زاتتاي دا, اقشالاي دا بەردى.
گۋمانتيارلىق جۇك كولىگى الدىمەن استراحان اۋدانىنىڭ نوۆىي كولۋتون ەلدى مەكەنىنە كەلدى. مۇندا 17 ءۇيدى سۋ باسقان. جۇرتشىلىقتىڭ كوڭىلى جابىرقاۋلى بولعانىمەن, ازىق ت ۇلىك تيەلگەن جۇك كولىگىن كورگەن كوڭىلدەرى ءبىرشاما كوتەرىلدى.
«قۇرمەتتى اعايىندار, باۋىرلار, ءبىز نۇروتاندىقتار سىزدەردىڭ قيىن جاعدايعا قالعاندارىڭىزدى ەستىپ, قول قۋسىرىپ قاراپ وتىرا المادىق. استانادان ارنايى كومەك قولىن سوزۋعا كەلدىك. ومىردەگى ەڭ يگى ىستەردىڭ ءبىرى - مۇقتاج جاندارعا قامقورلىق جاساۋ. ادامدار ءبىر - بىرىنە قايىرىمدىلىق, مەيىرىمدىلىك تانىتۋ ارقىلى جاقسىلىق جاسايدى ەمەس پە. سوندىقتان بۇگىنگى اكەلىپ وتىرعان كيىم-كەشەك پەن ازىق-ت ۇلىكتەر ەلورداداعى باۋىرلارىڭىزدىڭ جومارت جۇرەكتەن شىققان ىزگىلىك نيەتى,- دەدى ءماسليحات دەپۋتاتى قايىرلى تاۋكەن.
بۇدان كەيىن استانا قالاسى قازاقستان حالقى اسسامبلەياسى حاتشىلىعىنىڭ مەڭگەرۋشىسى ءلاززات قۇسايىنوۆا دا ءسوز سويلەپ, جينالعان جۇرتشىلىقتى شىدامدىلىققا شاقىرىپ, ءوزىنىڭ جىلى لەبىزىن ءبىلدىردى.
مۇنان كەيىن كەيىن نۇروتاندىقتار قىزىلجار ەلدى مەكەنىنە كەلدى. مۇندا 800-گە جۋىق حالىق تۇرادى. 28 ءۇي سۋ استىندا قالىپتى. ادامدار امان, قوراداعى مالدارى دا شىعىنسىز. جەتكىزىلگەن ازىق-ت ۇلىك پەن كيىم- كەشەكتەر جۇرتشىلىققا تۇگەلدەي ۇلەستىرىلدى.