وبلىس اكىمى قۇمار اقساقالوۆ باق وكىلدەرىمەن كەزدەسكەندە, قىزىل سۋ شايىپ كەتكەن ايماقتارعا بارىپ, زارداپتاردى جويۋعا, ەلدى مەكەندەردى اباتتاندىرۋعا ءبىر كىسىدەي قاتىسۋعا, جاپپاي سەنبىلىكتەر ۇيىمداستىرۋعا شاقىرعان بولاتىن. باعالى باستاماعا ءۇن قوسقان «نۇر وتان» پارتياسىنىڭ ءمۇشەلەرى, جاستار, ۇكىمەتتىك ەمەس ۇيىمداردىڭ وكىلدەرى ع.مۇسىرەپوۆ اۋدانىنداعى رۋزاەۆكا اۋىلىندا سەنبىلىك ۇيىمداستىردى. ءماسليحات دەپۋتاتتارى تۇرمىستىق تەحنيكالارمەن, ازىق-ت ۇلىكپەن, قۇرىلىس ماتەريالدارىمەن, كەڭسە تاۋارلارىمەن جاردەمدەستى. ولارعا تۇرعىندار دا قوسىلىپ, قايىرىمدىلىق اكتسياسىنا بەلسەنە قاتىستى.
قۇمار ىرگەباي ۇلى تابيعي اپاتتى باستان وتكەرگەن ۇيلەردە بولىپ, جاعدايلارىمەن تانىستى. ارنايى قۇرىلعان كوميسسيا ءوز جۇمىسىن اياقتاپ, شىعىنداردى ەسەپتەپ شىعاردى. «وتكەن جولى ۋادە ەتكەندەي بارلىق قاجەتتى شارالاردى جاسايتىن بولامىز», دەدى ول. گۋمانيتارلىق كومەكتەر باسقا وڭىرلەردەن دە كەلىپ جاتقانىن جەتكىزدى.
وسىندا جارتى عاسىرعا جۋىق تۇراتىن اننا سيمونەنكو قۋانىشتا دا, قايعىدا دا بىرگە بولاتىن ەلباسىنا دەگەن ريزاشىلىعىن ءبىلدىردى. «بالالارىم رەسەيدە تۇرادى. مەن تۋعان وتانىمدا قالۋدى ءجون سانادىم. ەڭ باستىسى, ەلىم, جەرىم امان. ەشقانداي كەمدىك كورىپ وتىرعان جوقپىن», دەيدى تولعانا سويلەگەن كەيۋانا.
ورتالىقتاندىرىلعان اۋداندىق اۋرۋحانانىڭ رۋزاەۆ ءبولىمشەسىنىڭ مەڭگەرۋشىسى ۆيتالي چيچكاننىڭ ايتۋىنشا, ءدارىگەرلىك-امبۋلاتوريادا ءدارى-دارمەك جەتكىلىكتى.
تۇتاستاي العاندا, وبلىستا جاعداي تۇراقتى. شال اقىن, ەسىل اۋداندارىندا سۋ باسۋ قاۋپىنىڭ سەيىلگەنى بايقالادى. پەتروپاۆل قالاسىنداعى №12, 13, 14 مەكتەپتەردە ەۆاكۋاتسيالىق بەكەتتەر ۇيىمداستىرىلعان.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى