بەيبىتشىلىك پەن تۇراقتىلىق – كۇن سايىنعى ەڭبەكپەن قورعاپ, نىعايتۋدى قاجەت ەتەتىن جالپىحالىقتىق جەتىستىك», دەپ اتاپ وتكەندەي, تاۋەلسىز قازاقستان بۇگىندە ءوزىن تاتۋلىق پەن كەلىسىمنىڭ مەكەنى رەتىندە دالەلدەپ, بەيبىت ءومىردىڭ بەسىگىنە اينالىپ وتىر.
مەملەكەتىمىزدە قازاقستاندى وتانىم دەپ قابىلداعان ءار ءتۇرلى ۇلت وكىلدەرىنىڭ ءوزارا دوستىق پەن تاتۋلىقتا ءومىر سۇرۋىنە بارلىق جاعدايدى جاساۋدا. ءار ۇلتقا ءوز انا ءتىلىن مەڭگەرىپ, سالت-ءداستۇرى مەن ادەت-عۇرپىن جاڭعىرتۋدا جانە مادەنيەتى مەن ادەبيەتىن دامىتۋدا قامقورلىق كورسەتىلىپ, جۇمىستاردى جەتىلدىرىلۋ ۇستىندە. سونداي-اق, ءتۇرلى ەتنوس وكىلدەرى دە ەلىمىزدىڭ دامۋى جولىندا ەڭبەك ەتىپ, يگى باستامالاردىڭ باسى-قاسىنان تابىلۋدا. سونىڭ ىشىندە, قازاقستاندا تۇرىپ جاتقان ازەربايجان ۇلتى دا ەلىمىزدىڭ بىرلىگى مەن دامۋىنا ءوز ۇلەستەرىن قوسۋعا اتسالىسۋدا.
«نامۋس» ازەربايجان ەتنومادەني ءبىرلەستىگى 2001 جىلدىڭ 6 تامىزىندا قۇرىلعان بولاتىن. ءبۇگىنگى كۇندە ءبىزدىڭ بىرلەستىك قاراعاندى وبلىستىق قازاقستان حالقى اسسامبلەياسىمەن تىعىز قارىم-قاتىناستا جۇمىس جاساۋدا. ءبىرلەستىك ازەربايجان ۇلتىنىڭ عانا ەمەس, باسقا دا ۇلتتار مەن ۇلىستاردىڭ تاريحىن, مادەنيەتىن, ءتىلىن, سالت-ءداستۇرىن بىلۋدە ماڭىزدى ءرول اتقارادى. ءوڭىر بويىنشا «نامۋس» قوعامدىق بىرلەستىگىنىڭ تەمىرتاۋ, ساران جانە شاحتينسك قالالارىندا فيليالدارى جۇمىس ىستەيدى.
بىرلەستىك جانىندا مەملەكەتتىك جانە ازەربايجان ءتىلىن وقىتاتىن سىنىپتار ۇيىمداستىرىلعان. تۋعان ءتىلدى ءۇيرەنۋ ازەربايجان ۇلتىنىڭ سالت-ءداستۇرىن, ءمادەنيەتىنىڭ ساقتالۋى مەن دامۋىنا دانەكەر بولارى ءسوزسىز.
بولاشاق ءبىلىمدى جاستاردىڭ قولىندا ەكەنى انىق. ەلباسى بيىلعى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىندا «IT-ءبىلىمدى, قارجىلىق ساۋاتتىلىقتى قالىپتاستىرۋعا, ۇلتجاندىلىقتى دامىتۋعا باسا كوڭىل ءبولۋ كەرەك», دەپ ايقىنداپ ءوتتى. سول سەبەپتى, ءبىرلەستىك جاستارمەن جۇمىسقا ەرەكشە كوڭىل بولەدى. ولارمەن ەلباسى جولداۋىندا اتاپ كورسەتكەن ءبىلىم, عىلىم سالالارى جانە ءۇشتىلدى وقىتۋ بويىنشا تانىمدى, تاعىلىمدى كەزدەسۋلەر ءجيى وتكىزىلىپ تۇرادى.
وبلىستىق قازاقستان حالقى اسسامبلەياسى اتىنان مەملەكەتتىك ورگاندار جانە مەكەمەلەرمەن بىرلەسىپ جۇمىس جاسايدى. سونىمەن قاتار, بىرلەستىك قوعامدىق كەلىسىم مەن ازاماتتىق بەيبىتشىلىكتى نىعايتۋ, وبلىسىمىزدا تۇرىپ جاتقان ەتنوستاردىڭ داستۇرلەرىن, مادەنيەتىن ناسيحاتتاۋ ماقساتىنداعى ءتۇرلى ءىس-شارالاردى ۇيىمداستىرۋدا. بىرلەستىكتىڭ باستى ماقساتى – قازاقستان حالقى اسسامبلەياسىنىڭ نەگىزگى ۇستانىمى بولىپ تابىلاتىن تاتۋلىق پەن ۇلتارالىق كەلىسىمدى نىعايتۋعا اتسالىسۋ.
مەملەكەتىمىزدىڭ اجىراماس بولشەگى رەتىندە ازەربايجاندار بىرلىگى جاراسقان بەرەكەلى ەلىمىزدىڭ بولاشاعىنا وزىندىك ۇلەسىن قوسۋدى قاسيەتتى بورىشى سانايدى جانە قازاقستان حالقى اسسامبلەياسىنىڭ XXV مەرەيتويلىق سەسسياسىمەن قۇتتىقتايدى.
گيۋلاگا ۆەكيل-وعلى رزاەۆ,
«نامۋس» ازەربايجان ۇلتتىق-مادەني قوعامدىق بىرلەستىگىنىڭ توراعاسى, وبلىستىق قازاقستان حالقى اسسامبلەياسىنىڭ مۇشەسى
قاراعاندى وبلىسى