بۇگىن ۇكىمەت ۇيىندە قر پرەمەر-ءمينيسترى باقىتجان ساعىنتاەۆ قازاقستاننىڭ ەۋروپالىق بيزنەس قاۋىمداستىعىنىڭ (قەبق) وكىلدەرىمەن كەزدەستى.
كەزدەسۋ بارىسىندا قازاقستانداعى ينۆەستيتسيا جانە سالىق احۋالىن جاقسارتۋ, سونىمەن قاتار اگرارلىق ازىق-ت ۇلىك يندۋسترياسىن دامىتۋ ماسەلەلەرى تالقىلاندى, دەپ حابارلايدى ۇكىمەت باسشىسىنىڭ رەسمي سايتى.
قازاقستاننىڭ ەۋروپالىق بيزنەس قاۋىمداستىعى (قەبق) – ەۋروپالىق كومپانيالار جانە ەۋروپالىق وداق دەلەگاتسياسىنىڭ باستاماسىمەن 1999 جىلى قۇرىلعان كوممەرتسيالىق ەمەس ۇيىم. قەبق ءوز قۇرامىنا 150-دەن استام كومپانيانى بىرىكتىردى, ولاردىڭ ىشىندە: الەمگە ايگىلى حالىقارالىق, ەۋروپالىق جانە قازاقستاندىق كومپانيالار, ەۋروپاداعى جانە الەمنىڭ باسقا ەلدەرىندەگى ديپلوماتيالىق ميسسيالار بار.