بۇگىن ۇكىمەت ۇيىندە قر پرەمەر-ءمينيسترى باقىتجان ساعىنتاەۆ قر پرەزيدەنتى ن.نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن ىسكە اسىرۋ اياسىندا حالىققا مەملەكەتتىك قىزمەتتەر ۇسىنۋ ۇدەرىستەرىن جەتىلدىرۋ جونىندە كەڭەس وتكىزدى, دەپ حابارلادى primeminister.kz.
كەڭەس بارىسىندا «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى مەملەكەتتىك قىزمەتتەر كورسەتۋ ۇدەرىستەرىنە جاڭا تەحنولوگيالار ەنگىزۋ ماسەلەلەرى تالقىلاندى.
مەملەكەت باسشىسى حالىققا جولداۋىندا مەملەكەتتىك قىزمەتتەر كورسەتۋ ۇدەرىستەرى بارىنشا وڭتايلاندىرىلۋى ءتيىس ەكەنىن اتاپ ءوتتى. مەرزىمدەردى جانە قۇجاتتار ءتىزىمىن قىسقارتىپ, قايتالاناتىن راسىمدەردى جويىپ, مىندەتتى جەكە قاتىسۋىنسىز ەلەكتروندى فورماتقا كوشىرۋ قاجەت. وسىنداي باعىتتاردىڭ ءبىرى قىزمەت الۋشىنىڭ قاتىسۋىنسىز پرواكتيۆتى قىزمەت كورسەتۋلەرگە كوشۋ بولۋى ءتيىس.