ماسەلەن, تاياۋدا جاراتىلىستانۋ-ماتەماتيكالىق باعىتتاعى پاندەر بويىنشا رەسپۋبليكالىق Iح پرەزيدەنتتىك وليمپياداسى وتكەنى بەلگىلى. وندا ءۇش وقۋشىمىز - حايرۋللاەۆا نافيسا (كەنتاۋ قالاسىنداعى «مامانداندىرىلعان «دارىن» مەكتەپ-ينتەرناتى») ءىى ورىن السا, ەرالحان ەرجان مەن تاستان نۇربەكتەر («ج.قاپپاروۆ اتىنداعى №5 مامانداندىرىلعان مەكتەپ-ينتەرناتى») ءىىى ورىنعا يە بولدى.
مۇنان بولەك, بيىلعى وقۋ جىلىندا «دارىن» رەسپۋبليكالىق عىلىمي-پراكتيكالىق ورتالىعى اقتاۋ قالاسىندا جالپى ءبىلىم بەرەتىن پاندەر بويىنشا رەسپۋبليكالىق ءپان وليمپيادالارى مەن حالىقارالىق عىلىمي زەرتتەۋ سايىستارىن ۇيىمداستىردى. رەسپۋبليكانىڭ بارلىق وبلىستارىنان جانە رەسپۋبليكالىق ءبىلىم ۇيىمدارىنان 586 وقۋشى قاتىسقان سايىستا وڭتۇستىك وڭىرىنەن 35 شاكىرت باق سىنادى. ناتيجەسىندە, ۇمىتكەرلەرىمىزدىڭ 4-ءۋى جۇلدەلى ءىى ورىندى السا, 6-ۋى ءىىى ورىنعا يە بولدى. اتاپ ايتقاندا, وبلىستاعى №3 كەنتاۋ قازاق-تۇرىك ەر بالالار ليتسەيى, م.قاشعاري اتىنداعى مەكتەپ, م.گوركي ات. جالپى ورتا مەكتەپ, №2 قازاق- تۇرىك قىز بالالار ليتسەيى جانە م.ح.دۋلاتي اتىنداعى ءۇش تىلدە وقىتاتىن №8 گيمنازيا, قازاقستاننىڭ زياتكەرلىك «بايتەرەك» مەكتەبى, سونىمەن بىرگە, "مامانداندىرىلعان "دارىن" مەكتەپ-ينتەرناتىنىڭ" مەرەيى ۇستەم بولدى.
وسى جىلى پاۆلودار وبلىسىندا وتكەن رەسپۋبليكالىق وليمپيادادا دا كۇنگەيلىك شاكىرتتەردىڭ باعى مەن بابى قاتار وزدى. 700 وقۋشىنىڭ ىشىندە ءبىلىمىن سىنعا سالعان 40 وڭتۇستىكقازاقستاندىق ۇمىتكەردىڭ ىشىنەن №1 قازاق-تۇرىك ەر بالالار ليتسەيىنىڭ شاكىرتى تويبازار داۋلەت بيولوگيا ءپانى بويىنشا ءى ورىن الىپ, جۇلدەلىلەر كوشتى باستاپ بەرسە, ينفورماتيكا, ماتەماتيكا, فيزيكا, گەوگرافيا پاندەرى بويىنشا 7 وقۋشى ءىى ورىنعا يە بولدى. ال ءىىى ورىنعا 8 وقۋشى لايىقتى دەپ تانىلدى.