اتاپ ايتساق, اتالعان باعدارلامامەن شىمكەنت قالاسىندا - 21 ءۇي, كەنتاۋدا - 37 ءۇي, ارىستا - 9 ءۇي, سارىاعاشتا - 13 ءۇي, شاردارادا - 8 ءۇي, ماقتارالدا - 10 ءۇي.
باعدارلامانىڭ شارتتارى بويىنشا كۇردەلى جوندەۋدى جۇرگىزۋ ناتيجەسىندە جىلۋ تۇتىنۋدى ۇنەمدەۋدى, تۇرعىن ءۇيدىڭ ينجەنەرلىك-ينفراقۇرىلىمىن جاڭعىرتۋدى, تۇرعىندارعا قولايلى جاعداي جاساۋدى كوزدەيدى.
جالپى وڭتۇستىك قازاقستان وبلىسى بويىنشا 3152 كوپقاباتتى تۇرعىن ءۇي بار. ول ۇيلەردىڭ باسىم بولىگى 1934-1990 جىلدارى سالىنعاندىقتان, توزىعى جەتكەن. بۇگىنگى تاڭدا وبلىس بويىنشا 1393 كوپقاباتتى تۇرعىن ءۇي كۇردەلى جوندەۋدى قاجەت ەتەدى.
«وڭىرلەردى دامىتۋدىڭ 2020 جىلعا دەيىنگى باعدارلاماسى» بويىنشا 2011-2015 جىلدارى, ياعني بەس جىل ىشىندە رەسپۋبليكالىق بيۋدجەت ەسەبىنەن وبلىستىڭ 9 اۋدان, قالالارىندا 188 كوپ قاباتتى تۇرعىن ءۇي كۇردەلى جوندەۋدەن وتكەن.