سودان بەرى باس كيىمىن عانا ەمەس, بار كيىمىن قادىرلەپ, كەز كەلگەن ادامنىڭ باسىن باعالاۋدى ءومىر سالتىنا اينالدىردى» دەپ جازادى. باس كيىم تۋرالى بەكەرگە ايتىپ وتىرعان جوقپىز. سەمەيدە امىرە قاشاۋباەۆ اتىنداعى وبلىستىق فيلارمونيا بار. وسى ونەر ورداسىنىڭ ديرەكتورى اداي ازاماتوۆ قاشان كورسەڭىز دە, باسىنان بيىكتەۋ كەلگەن, توبەسىندە باۋى بار قارا ءتۇستى باس كيىمدى تاستامايدى. وعان جۇرتتىڭ كوزى دە ۇيرەنىپ كەتكەندەي. جۋىقتا ءبىر كەزدەسكەندە اعامىزدان ەرەكشە ۇلگىدەگى باس كيىمى تۋرالى سىر سۋىرتپاقتادىم. سويتسەم, مۇنىڭ وزىندىك قىزىق تاريحى بار ەكەن.
– بۇل باس كيىمنىڭ اتى فەسكو دەپ اتالادى. مۇنى كەزىندە احمەت بايتۇرسىنوۆ سىندى الاشتىڭ ارداقتىلارى دا كيگەن. بۇعان قۇمارتۋىمنىڭ وزىندىك سىرى بار. توقسان ەكىنشى جىلى الماتىدا بەلگىلى ءانشى, سازگەر تۇرسىنعازى راحيموۆتىڭ شىعارماشىلىق كەشىن وتكىزۋگە مۇرىندىق بولدىم. كەشكە الماتىداعى قازاقتىڭ ونەرسۇيەر زيالى قاۋىم وكىلدەرى تۇگەلدەي جينالدى. ولاردىڭ اراسىندا قازاقتىڭ تۇڭعىش كاسىبي رەجيسسەرى اسقار توقپانوۆ تا بار ەدى. سول كەزدەسۋدە اسقار اعانىڭ باسىنداعى فەسكوسىنا قاتتى قىزىقتىم. رۇقسات سۇراپ, كيىپ تە كوردىم. مەنىڭ باسىمداعى فەسكوسىن كورىپ: «سىزگە وتە جاراسادى ەكەن» دەدى ءسۇيسىنىپ, ارتىنشا: «پوكا يا جيۆوي, يا تەبە نە رازرەشايۋ», دەدى ورىسشالاپ. بەتكە تۋرا ايتاتىن, تىك مىنەزدى ادام ەدى عوي. اسقار اعا قايتىس بولعاننان كەيىن التى ايدان سوڭ وسى باس كيىمنىڭ ۇلگىسىن تاۋىپ, ارنايى تاپسىرىسپەن تىكتىردىم. سودان بەرى بۇل فەسكونى باسىمنان تاستامايمىن. سەمەيدە مۇنى مەنەن باسقا ەشكىم كيمەيدى. سوڭعى جىلدارى ۇلى اباي اتامىزدىڭ جيەنى بالتاش ەرسالىموۆ اقساقال كيىپ ءجۇر. بىراق ول كىسىنىكى بۇدان تومەن. اۋەلدە فەسكو كيگەنىمدى قاسىمداعى جورا-جولداستارىم, تانىستارىم قىزىق كورەتىن. ءتىپتى, «تاتار كەلە جاتىر», «اداي اپەندى كەلە جاتىر» دەۋشىلەر دە بولدى. قازىر كوزدەرى ۇيرەندى, – دەيدى اداي ازاماتوۆ.
ازامات قاسىم,
«ەگەمەن قازاقستان»
شىعىس قازاقستان وبلىسى