ەلىمىزدىڭ باس پروكۋرورى جاقىپ اسانوۆ پەن باس پروكۋراتۋرا اكادەمياسى رەكتورىنىڭ مىندەتىن اتقارۋشى نايل احمەتزاكيروۆ جۇمىس ساپارىمەن اۆستريا استاناسى ۆەناعا باردى, دەپ حابارلايدى BNews.kz.
ساپار بارىسىندا باس پروكۋرور ەۋروپاداعى قاۋىپسىزدىك جانە ىنتىماقتاستىق ۇيىمىنىڭ باس حاتشىسى لامبەرتو زانەرمەن كەزدەستى.
كەزدەسۋدە جاقىپ اسانوۆ ۇيىم باسشىسىنا جاھاندىق قاۋىپ-قاتەرلەرگە قارسى وڭىرلىك حاب قۇرىلاتىنىن جەتكىزدى. حاب باس پروكۋراتۋرا جانىنداعى قۇقىق قورعاۋ اكادەمياسى جانىنان قۇرىلادى. وندا ورتالىق ازيا مەن تمد ەلدەرىنىڭ ماماندارى قازاقستاندىق ارىپتەستەرىمەن تەرروريزم, ەكسترەميزم, زاڭسىز ەسىرتكى تاسىمالى, ادام ساۋداسى, سىبايلاس جەمقورلىققا قارسى بىرىگىپ كۇرەسۋ جولدارىن يگەرىپ, بىلىمدەرىن جەتىلدىرەدى.
ەىقۇ باس حاتشىسى ايماقتىق حاب جوباسىن قولداپ, ۇيىم تاراپىنان قولدان كەلگەن كومەك كورسەتىلەتىنىن مالىمدەدى.