قازاقستاندىق ءانشى ديماش قۇدايبەرگەن «Singer2017» ءان بايقاۋىنىڭ ءبىرىنشى كەزەڭىندە كيگەن ساحنالىق كيىمى 158 890 يۋانعا (7,2 ميلليون تەڭگە) ساتىلدى, دەپ حابارلايدى قازاقپارات.
كيىم قىتايلىق mpaimai.jd.com عالامتور ساۋدا جەلىسىندە اۋكتسيونعا شىعارىلعان. باستاپقى باعاسى 188 يۋاننان (8 500 تەڭگە) باستالعان كيىمدى ساتىپ الۋعا 19 640 ادام قاتىسىپ, 32 ادام باعا كوتەرگەن.
قورىتىندىسىندا كيىم 158 890 يۋانعا ساتىلىپ, جەڭىمپازعا Iphone 6S تەلەفونى سىيعا تارتىلعان.
Mpaimai.jd.com سايتىنىڭ حابارلاۋىنشا, كيىمدى ديماش 27 ناۋرىز كۇنى شانحاي قالاسىنداعى 24-كەزەكتى «China Top music Awards» شاراسى كەزىندە اتالمىش سايتقا تارتۋ ەتكەن. ال سايت اتاقتى ءانشىنىڭ كيىمىن ساتۋدان تۇسكەن قاراجاتتى قىتايداعى بالالار قورىنا اۋدارىپ, كومەككە ءزارۋ بالالارعا جۇمساماق.