كەزدەسۋدە الەكسەي تسوي مىندەتتى الەۋمەتتىك مەديتسينالىق ساقتاندىرۋ رەفورماسىنىڭ جالپى مىندەتتەرى مەن ماقساتتارىنا, ونىڭ ەنگىزۋ ساتىلارى مەن زاڭدىق نەگىزدەرىنە توقتالدى. سونىمەن قاتار, مەديتسينا جانە دەنساۋلىق ساقتاۋ سالاسىندا وسى رەفورمانى جۇزەگە اسىرۋ بارىسىندا جەرگىلىكتى اتقارۋ ورگاندارى مەن مەديتسينا سالاسىنىڭ اتقارار مىندەتتەرى مەن بىرلەسىپ ىستەيتىن جۇمىستارىن دا اتادى.
مۇنان كەيىن «الەۋمەتتىك مەديتسينالىق ساقتاندىرۋ قورى» كوممەرتسيالىق ەمەس اكتسيونەرلىك قوعامى باسقارما توراعاسىنىڭ ورىنباسارى ەرىك ءبايجۇنىس مىندەتتى الەۋمەتتىك مەديتسينالىق ساقتاندىرۋدى ەنگىزۋدىڭ ناقتى مەحانيزمدەرىنە توقتالدى.
– مىندەتتى الەۋمەتتىك مەديتسينالىق ساقتاندىرۋدى ەنگىزۋ بارىسىندا قۇجاتتاردى بارىنشا قىسقارتۋ ءبىزدىڭ بۇگىنگى ماقساتىمىزدىڭ ەڭ باستىسى بولىپ تابىلادى.ءتۇرلى ۆەدومستۆولار مەن ۇيىمداردان, مەكەمەلەردەن رۇقسات بەرەتىن ءتۇرلى قۇجاتتاردى بارىنشا ازايتىپ, قاراپايىمداندىرۋ كەرەك. مىندەتتى الەۋمەتتىك مەديتسينالىق ساقتاندىرۋدى ەنگىزۋدىڭ قۇجاتتار پاكەتى وتە جۇقا بولۋى ءتيىس, −دەدى ەرىك ابەن ۇلى.
الەكسەي تسوي مەن ەرىك ءبايجۇنىس كەزدەسۋگە قاتىسۋشىلاردىڭ سۇراقتارىنا جاۋاپ بەردى.
ءنازيرا جارىمبەتوۆا,
«ەگەمەن قازاقستان»
قوستاناي