داڭقتى بوكسشىنى ەسكە الدى

بۇرناعى كۇنى الماتى قا­لاسىنداعى قازاق سپورت جانە تۋريزم اكادەمياسى عيماراتىندا قازاقستاننىڭ ەڭبەك سىڭىرگەن جات­تىق­تىرۋشىسى, داڭقتى بوكسشى ءابدىسالان نۇرماحانوۆتى ەسكە الۋ شاراسى بولىپ ءوتتى. سپورتسۇيەر قاۋىم باس قوسقان جيىلىستى اشقان اكادەميانىڭ پرە­زيدەنتى, پروفەسسور قايرات ءزا­كىريانوۆ ءوز سوزىندە كوك باير­ا­عىمىزدىڭ الەمدىك دودالاردا بيىك جەلبىرەۋىنە جول اشقان بىلىكتى ۇستاز, عالىم ءا.نۇرماحانوۆتىڭ ەسى­مى وسى وقۋ ورنىنىڭ ەڭ جاقسى جابدىقتالعان جاتتىعۋ زالىنا بە­رىلگەنىن, جىل سايىن داڭقتى بوكسشى اتىنداعى ستيپەنديانى قابىلەتىمەن كوزگە تۇسكەن ستۋدەنتكە تاعايىنداپ وتىرعاندىقتارىن جەتكىزدى. سونداي-اق قازاقستان ۇلت­تىق عىلىم اكادەمياسىنىڭ پرەزيدەنتى, اكادەميك م.جۇرى­نوۆ, الماتى قا­لا­لىق بوكس فەدەراتسياسىنىڭ پرەزيدەنتى, قاجىمۇقان مۇڭايتپا­س­ ۇلى اتىنداعى سپورت مەكتەبىنىڭ ديرەكتورى ا.تشان, قازاقستان­نىڭ ارداگەر بوكسشىلارى فەدەرا­تسيا­سىنىڭ توراعاسى, دارىگەر م.دايىربەكوۆ, كسرو جانە قازاق­ستاننىڭ ەڭبەك سىڭىرگەن جاتتىق­تى­رۋ­شىسى, ايبا تورەشىسى ب.تسحا­راشۆيلي سەكىلدى ءابدىسالان نۇرما­حان­وۆتىڭ زامانداستارى مەن ءتالى­مىن كورگەن شاكىرتتەرى ەستەلىكتەر ايتىپ, بوكسشى قازاقتىڭ ەسىمىن بولاشاق ۇرپاق ۇمىتپاس ءۇشىن يگى ىستەر اتقارۋ جونىندە پىكىرلەرىن ورتاعا سالدى. ەكونوميكا عىلىم­دارىنىڭ دوكتورى ورازالى ءساب­دەن بوكسشىنىڭ زايىبى كۇلپاش نۇرماحانوۆانىڭ يىعىنا قازاق­تىڭ داستۇرىمەن قامزول جاۋىپ, سىي-سياپات كورسەتتى. قازان ايىندا الماتىدا قالا­لىق جانە وبلىستىق بوكس فە­دە­راتسيالارىنىڭ ۇيىمداستىرۋى­مەن ءا.نۇرماحانوۆ اتىنداعى حا­لىقارالىق تۋرنير وتەتىن بولدى. ازيا-افريكا ويىندارىنىڭ جە­ڭىم­پازى, كسرو حالىقتارى سپار­تا­كياداسىنىڭ ەكى دۇركىن جۇلدە­گەرى, كسرو چەمپيوناتىنىڭ كۇمىس جۇلدەگەرى, قازاقتىڭ داڭقتى بوكس­شىسى ءابدىسالان نۇرماحانوۆ ءتىرى بولعاندا بيىل 75 جاسقا تولار ەدى. قانات ەسكەندىر. الماتى.