اق تىلەكتەر اعىنى

مەملەكەت باسشىسى نۇرسۇلتان نازارباەۆتىڭ اتىنا شەتەلدىك ساياسي جانە قوعام قايراتكەرلەرىنەن, عىلىم, ءبىلىم, مادەنيەت جانە ونەر قايراتكەرلەرىنەن, سونداي-اق حالىقارالىق ۇيىمدار­دىڭ جەتەكشىلەرىنەن, كومپانيالار باسشىلارىنان, شەتەل ازاماتتارىنان پرەزيدەنتتىك سايلاۋداعى جەڭىسىنە بايلانىستى قۇتتىقتاۋ حاتتار كوپتەپ تۇسۋدە. مەملەكەت باسشىسىن سايلاۋ­داعى ءىرى جەڭىسىمەن بۇۇ بالالار قورى اتىنان يۋنيسەف-ءتىڭ قا­زاق­ستان رەسپۋبليكاسىنداعى وكىلى حاناا سينگەر شىن ءجۇ­رەك­تەن قۇتتىقتايدى. «يۋنيسەف ءسىزدىڭ بالالار ءۇشىن قولايلى جاعداي جاساۋعا باعىتتالعان سايا­ساتى­ڭىزدىڭ باسىمدىق­تا­رىن جوعارى باعالايدى, – دەپ اتاپ وتەدى ح.سينگەر حاتىندا. – بۇل بالا­لار­دىڭ مۇددەلەرى مەن قۇقىقتارىن ساقتاۋداعى الەۋ­مەتتىك جانە ەكو­نوميكالىق سايا­ساتتى نەگىزدەۋگە مۇمكىندىك بەرەدى. ءسىزدى يۋنيسەف قازاق­ستان­نىڭ بالالار مەن انالار­دىڭ دەنساۋلىعىن جانە ساپالى ءومىر ءسۇرۋىن جاقسار­تۋ­دا­عى, قا­زاق­ستاندا بالالاردىڭ قۇ­قى­عىن قورعاۋداعى الەۋمەتتىك جانە ەكو­نوميكالىق تۇراقتى­لىق­­تى نى­عايتۋدا ەرەكشە ءرول اتقارا­تىن­دىعىنا سەندىرگىم كەلەدى». مەملەكەت باسشىسىن سايلاۋ­دا­عى تاماشا جەڭىسىمەن م.­ۆ.لو­مونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ ستۋ­دەنتتەرى مەن ۇجىمى اتىنان وسى ۋنيۆەرسيتەتتىڭ رەكتورى,  رعا-نىڭ ۆيتسە-پرەزيدەنتى, اكادەميك ۆيكتور سادوۆنيچي قۇت­تىقتادى. «الەمدە بەدەلدى ورىن الاتىن جاڭا تاۋەلسىز مەم­لەكەت – قا­زاق­ستان رەسپۋب­لي­كا­سىنىڭ مەملە­كەت­تىلىگىنىڭ  قا­لىپتاسۋى ءسىزدىڭ اتىڭىزبەن بايلانىستى, – دەپ جازادى ۆ.سادوۆنيچي حاتىندا. – حح جانە ءححى عاسىردىڭ تو­عىسىندا جاڭا مەملەكەتتى قۇرۋدا ەلدىڭ باسىندا ءسىز تۇردىڭىز. ال­داعى ۋاقىتتا قازاقستاندىق جانە رەسەيلىك بىرلەسكەن جوبالاردىڭ دامۋىنا, اكادەميالىق ىنتى­ماق­تاستىقتى نىعايتىپ, عىلى­مي بايلانىستاردى كەڭەيتۋدىڭ ما­ڭى­زدىلىعىن ەسەپكە الا وتى­رىپ, ەكى ەلدىڭ عالىمدارى وسى سالالاردا ءتيىمدى ءىس-قيمىل جا­سايتىنىنا سەنىمدىمىن. ماسكەۋ ۋنيۆەرسيتەتى ءبىزدىڭ ورتاق ماق­سا­تىمىز – ءبىلىم مەن عىلىمي جەتىستىكتەرگە قول جەتكىزۋ ىسىنە ءوزىنىڭ ۇلەسىن قوسۋعا ارقاشان دا دايىن ەكەندىگىنە سەندىرگىم كەلەدى». قازاقستان پرەزيدەنتىن ساي­لاۋ­داعى تاماشا جەڭىسىمەن رەسەي مەملەكەتتىك دۋماسىنىڭ دەپۋتا­تى, رەسەي باتىرى, عارىشكەر-ۇش­قىش نيكولاي بۋدارين قۇت­تىقتادى. «ءسىزدى جانە بارلىق قازاقستان حال­قىن قول جەتكىزگەن تابىستارىمەن, كورسەتكەن ماقسات­كەرلىكتەرىمەن قۇت­تىق­تايمىن. نۇر­سۇلتان ءابىش ۇلى, جەكە ءوزى­ڭىزگە جانە قازاقستان ۇكى­مەتىنە عارىش سا­لاسىنداعى اتاۋلى جوبالارعا قولداۋ كورسەتكەنىڭىز ءۇشىن العىس ايتامىن», – دەدى عا­رىشكەر قۇت­تىقتاۋ حاتىندا. مەملەكەت باس­شىسىن سايلاۋداعى تاماشا جەڭى­سىمەن رەسەي فەدەراتسياسى باش­قۇرت­ستان  رەسپۋبليكاسىنداعى «ەلىم-اي» قازاق ۇلتتىق-مادەني ورتالىعىنىڭ مۇشەلەرى قۇتتىق­تادى. «ءسىزدىڭ ءبىزدىڭ تاريحي وتا­نىمىز – قازاقستان رەسپۋب­ليكا­سىنىڭ پرەزيدەنتى بولىپ قايتا سايلانۋىڭىزعا ەرەكشە قۋا­نىش­تىمىز. ءبىز ءسىزدىڭ قازاق­ستاندى دامىتىپ, وركەندەتۋ جو­لىن­داعى جەمىستى جۇمىسىڭىزدى جالعاستى­را بەرەتىندىگىڭىزگە سەنىمدىمىز. ءبىز سىزبەن جايلى ءومىر سۇرەتىن بو­لامىز, ءبىز قازاقستان ءۇشىن ارقا­شان دا سەنىمدىمىز», – دەلىنگەن حاتتا. مەملەكەت باسشىسىن سايلاۋ­داعى ەرەكشە جەڭىسىمەن قىرعىز­ستان حالقى اسسامبلەياسىنىڭ ءمۇ­شەلەرى دە قۇتتىقتادى. «قازاق­ستانداعى پرەزيدەنتتىك سايلاۋ قا­زاقستاندىقتاردىڭ ءوزىنىڭ تاعدى­رى مەن ەلدىڭ تاعدىرىن سىزگە سەنىپ تاپسىرعاندىعىن كور­سەت­تى. بۇل – قازاقستان حالقىنىڭ مىزعىماس بىرلىگىنىڭ جارقىن كورىنىسى. ءبىز ءسىزدى قازاقستاننىڭ ەۆوليۋتسيالىق دامۋداعى تابىس­تا­رىمەن, بۇل – دوستىق پەن جا­سامپازدىقتىڭ سال­تا­ناتتى جە­ڭىسى بولىپ تابى­لا­تىن­دى­عىمەن قۇتتىقتايمىز», دەپ اتاپ وتەدى حاتىندا ولار. قازاقستان پرەزيدەنتىن ساي­لاۋداعى تاماشا جەڭىسىمەن ءسىتىس ديرەكتورلار توبى كەڭەسى­نىڭ ءتور­اعاسى چان چجەنمين قۇتتىق­تا­دى. «ءسىز قازاقستانعا باسشىلىق جا­ساعان جىلداردان بەرى قازاق­ستان ءوزىنىڭ حالىقار­لىق ارەنا­دا­عى مارتەبەسىن اي­تارلىقتاي بەكەمدەدى, – دەپ جازادى ول قۇت­تىقتاۋ حاتىندا. – ەلدىڭ الەۋ­مەتتىك تۇراقتىلى­عى نىعايدى, ەكونوميكاسى قار­قىندى دامىپ كەلەدى, قازاق­ستاندىقتاردىڭ ءومىر ءسۇرۋ ساپا­سىنىڭ دەڭگەيى وسۋدە. ۇلت كوش­باسشىسى رەتىندە ءسىز ءوزىڭىزدىڭ اسا كورنەكتى باسشى جانە ەرەكشە تۇلعا ەكەندىگىڭىزگە, قازاق­ستان حالقىنىڭ قولداۋى مەن ءسۇيىس­پەنشىلىگىنە بولەنگەن­دى­­گى­­ڭىز­گە ءسىزدىڭ پرەزيدەنتتىك ساي­لاۋدا ءابسوليۋتتى جەڭىسكە جەت­كەن­­دىگىڭىز تولىق دالەل بولادى. ءسىتىس توبى قازاقستاننىڭ سەنىمدى ارىپتەسى جانە شىنايى دوسى بولىپ تابىلادى. ءسىزدىڭ جەكە قولداۋىڭىزدىڭ ارقاسىندا ءبىز ءسىزدىڭ ەلىڭىزدە بىرقاتار ين­ۆەس­تيتسيالىق جوبالاردى تابىس­تى جانە جەمىستى جۇزەگە اسىرىپ كەلەمىز. ءبىز قىتاي مەن قا­زاقستان اراسىنداعى ستراتەگيا­لىق ءارىپ­تەستىكتى دامىتۋ ءۇشىن ەكىجاقتى ىنتىماقتاستىقتى العا قاراي دامىتۋعا دايىنبىز». «ترانساەرو» اۆيا­كومپانيا­سىنىڭ باسشىلىعى مەن ۇجىمى نۇرسۇلتان نازارباەۆتىڭ اتىنا جولداعان قۇتتىقتاۋ حاتىندا تاۋەلسىز قازاقستاننىڭ قول جەتكىزگەن تولايىم تابىستارىن قازاقستان پرەزيدەنتىنىڭ سالي­قا­لى ساياساتىمەن بايلانىس­تىرادى. «قازاقستاننىڭ تاۋەل­سىز­دىك العان جىلداردان بەرگى قول جەتكىزگەن تابىستارى ءبىزدى تاڭقالدىرادى, – دەپ جازادى اۆياكومپانيا ۇجىمى. – ەلدىڭ وسى تابىستارىن بولاشاق ءار­دايىم ەستە قالدىراتىنىنا ءبىز سەنىمدىمىز. وسىناۋ جەتىستىك­تەردىڭ ناقتى مىسالىن عاجايىپ قالا – استانانىڭ قازىرگى كوركى, بەت-بەينەسى ارقىلى كورۋگە بولادى. بۇل – قازاقستان حالقى­نىڭ ۇلىلىعىن بەينەلەيدى».