پرەمەر-مينيستر كارىم ءماسىموۆتىڭ توراعالىعىمەن وتكەن سەلەكتورلىق رەجىمدەگى ۇكىمەت وتىرىسىندا كوكتەمگى ەگىس ناۋقانىنا دايىندىق جۇمىستارىنىڭ بارىسى قارالدى. وسى ماسەلە بويىنشا بايانداما جاساعان اۋىل شارۋاشىلىعى ءمينيسترى اسىلجان مامىتبەكوۆتىڭ ايتۋىنشا, بيىلعى جىلى اۋىلشارۋاشىلىق داقىلدارىنىڭ ەگىستىگى 21,3 ميلليون گەكتار القاپتى قۇراماق. سونىڭ ىشىندە 18,6 ميلليون گەكتار جەرگە جازعى بيداي ەگىلمەك.
اتالعان جۇمىستاردى جۇرگىزۋ ءۇشىن «قازاگرو» حولدينگى 88,2 ميلليارد تەڭگە قارجى باعىتتايتىن بولادى. مۇنىڭ 78 ميلليارد تەڭگەسى – بيۋدجەت قارجىسى.
ءمينيستردىڭ ايتۋىنشا, جاساقتالىپ وتىرعان جاڭا باعدارلامانىڭ نەگىزىندە اۋىل شارۋاشىلىعىن قارجىلاي قولداۋ قورى ارقىلى شاعىن جانە ۇساق شارۋاشىلىقتارعا كومەكتەسۋ ماقساتىندا قارجى باعىتتالادى. ال مەملەكەتتىك سۋبسيديانىڭ كولەمى 30,5 ميلليارد تەڭگەنى قۇرايدى.
كوكتەمگى ەگىس ناۋقانىن ءجۇرگىزۋ ءۇشىن اۋىلشارۋاشىلىق تاۋارلارىن وندىرۋشىلەرگە 106,2 مىڭ توننا ارزانداتىلعان جانار-جاعار-ماي جونەلتىلگەن. بۇل – جوسپارلانعان كولەمنىڭ 50 پايىزى.
تەحنيكالاردىڭ ازىرلىك دەڭگەيى – 93 پايىز. اقتوبە, باتىس قازاقستان وبلىستارىنان باسقا وڭىرلەردىڭ بارلىعى ءتيىستى تۇقىم كولەمىمەن قامتاماسىز ەتىلگەن. ال اتالعان وبلىستارعا مەملەكەتتىك رەسۋرستار ەسەبىنەن 50 مىڭ توننا تۇقىم بەرىلەدى. ءسويتىپ, بۇل ماسەلە دە تولىق شەشىمىن تاپپاق.
اتالعان وتىرىستا اۋىل شارۋاشىلىعى مينيسترلىگىنىڭ باسشىسى كوكتەمگى ەگىس كەزىندە اگرارلىق شارۋاشىلىقتاردى نەسيەلەندىرۋدىڭ جاڭا جۇيەسىن ۇسىندى. بۇل جۇيە بويىنشا «قازاگرو» حولدينگى ەسەبىنەن وسى حولدينگ قۇرامىنداعى «ازىق-ت ۇلىك كەلىسىم-شارت كورپوراتسياسى» اق ارقىلى الەۋمەتتىك كاسىپكەرلىك كورپوراتسيالار كەپىلدىگىمەن 12 ميلليارد تەڭگەنىڭ بيۋدجەتتىك قاراجاتى باعىتتالاتىن بولادى. وسى نەسيەنى وتەۋ ءۇشىن شارۋاشىلىقتار مەن شارۋا قوجالىقتارى كۇزدىك ءونىم ەسەبىنەن وسىرگەن استىقتارىن تاپسىرا الادى نەمەسە اقشا كۇيىندە دە ەسەپ ايىرىسا الادى. تاڭداۋ شارۋاشىلىقتاردىڭ وزدەرىنە بەرىلەدى.
اسىلجان مامىتبەكوۆتىڭ ايتۋى بويىنشا, ءتىپتى قۇرعاقشىلىق ورناعان جاعدايدىڭ وزىندە نەسيە ەسەبىندە بەرىلەتىن بۇل قارجىنىڭ قايتارىمدىلىعىنا كەپىلدىك بار. ويتكەنى, شارۋاشىلىقتار بۇل قارجىنى ءار گەكتاردان 3-4 تسەنتنەردەن ءونىم العاننىڭ وزىندە دە قايتارا الاتىن بولادى. ءاربىر گەكتار جەرگە بولىنەتىن نەسيەنىڭ كولەمى 6 مىڭ تەڭگەدەن ەسەپتەلەدى.
شارۋاشىلىقتار نەسيەنى كۇزدىك ءونىم ەسەبىنەن استىق تاپسىرۋ ارقىلى قايتارعان جاعدايدا ول استىقتىڭ باعاسى دا كۇزدە بەلگىلەنەتىن بولادى. ەگەر شارۋاشىلىقتاردىڭ بارلىعى العان نەسيەلەرىن استىق بويىنشا تاپسىردى دەگەننىڭ وزىندە 400 مىڭ توننا استىق جينالۋى قاجەت ەكەن. ازىق-ت ۇلىك كەلىسىم-شارت كورپوراتسياسىنىڭ بيىلعى جىلى استىق وسىرۋشىلەردى قولداۋ ماقساتىندا 1 ميلليون توننانىڭ استىعىن ساتىپ الۋدى جوسپارلاپ وتىرعاندىعىن ەسكە الاتى؟ ؟؟؟؟؟؟, ؟؟؟ن بولساق, مەملەكەت ءۇشىن شارۋاشىلىقتارعا بەرگەن نەسيەنى استىق ەسەبىندە قايتارىپ الۋدىڭ دا ەشبىر زيانى جوق.
اتالعان ماسەلەنى قورىتىندىلاي كەلە, ۇكىمەت باسشىسى كارىم ءماسىموۆ ازىق-ت ۇلىك باعاسىنىڭ كوتەرىلمەي قالىپتى دەڭگەيدە ۇستالۋىنا ەرەكشە ءمان بەردى. پرەمەر-ءمينيستردىڭ ايتۋى بويىنشا, الداعى ۋاقىتتا مۇناي باعاسى قايتا قۇلدىراۋى دا عاجاپ ەمەس. ونىڭ ەكونوميكانىڭ بارلىق سالالارىنا, سونىڭ ىشىندە استىق باعاسىنا دا اسەر ەتۋى مۇمكىن. وسىعان وراي كارىم ءماسىموۆ ەكونوميكالىق دامۋ جانە ساۋدا مينيسترلىگىنە تاۋەكەلدى باسقارۋدىڭ دۇرىس جۇيەسىن جاساقتاپ, قالىپتاستىرۋدى تاپسىردى.
وتىرىس بارىسىندا ۇكىمەت باسشىسى باتىس قازاقستان وبلىسىنداعى تاسقىن سۋدىڭ زارداپتارىن جويۋ جۇمىستارىنىڭ بارىسىمەن تانىستى. پرەمەر-مينيسترگە بۇل جايىندا باتىس قازاقستان وبلىسىنىڭ اكىمى باقتىقوجا ءىزمۇحامبەتوۆ پەن توتەنشە جاعدايلار ءمينيسترى ۆلاديمير بوجكو ءمالىمدەدى. ولاردىڭ ايتۋىنشا, قازىرگى كۇنى تاسىعان وزەندەر ارناسى قايتا قالپىنا كەلە باستاعان. بىراق قاۋىپ ءالى تولىق سەيىلگەن جوق.
سۇڭعات ءالىپباي.