كەشە قازاقستان رەسپۋبليكاسىنىڭ قاۋىپسىزدىك كەڭەسى جانىنداعى ساراپتامالىق كەڭەستىڭ وتىرىسى بولىپ ءوتتى. كۇن ءتارتىبى بويىنشا ورتالىق ازيانىڭ ايماقتىق قاۋىپسىزدىگىن قامتاماسىز ەتۋ ماسەلەلەرى قارالدى.
پرەزيدەنتتىڭ كومەكشىسى – قازاقستان رەسپۋبليكاسى قاۋىپسىزدىك كەڭەسىنىڭ حاتشىسى مارات ءتاجين ايماقتىق قاۋىپسىزدىككە كەرى اسەر ەتەتىن ترانسشەكارالىق سيپاتتاعى لاڭكەستىك, ءدىني ەكسترەميزم, زاڭسىز كوشى-قون, ەسىرتكى اينالىمى سياقتى قاۋىپتەر مەن قاتەرلەردى اتاپ ءوتتى.
ساراپشىلاردىڭ پىكىرىنشە, ورتالىق ازيادا قازاقستان رەسپۋبليكاسىنىڭ ۇلتتىق مۇددەلەرىن جۇزەگە اسىرۋدىڭ ماڭىزدى اسپەكتىلەرى ايماق قاۋىپسىزدىگىنىڭ قاۋىپ-قاتەرلەرىنە قارسى ارەكەت ەتۋ بويىنشا ءتيىمدى شارالار قۇرۋ, ساۋدا-ەكونوميكالىق ىنتىماقتاستىقتى كۇشەيتۋ, سونىمەن قاتار, قورشاعان ورتانى قورعاۋ جانە ايماقتاعى سۋ ماسەلەسىن شەشۋگە نازاردى كۇشەيتۋ بولىپ وتىر.
تالقىلاۋ بارىسىندا قاراستىرىلىپ جاتقان ماسەلەلەر بويىنشا ساراپتامالىق كەڭەس قازاقستان رەسپۋبليكاسى قاۋىپسىزدىك كەڭەسىنىڭ جانە وسى ۆەدومستۆونىڭ مەكەمەارالىق كوميسسياسىنىڭ جۇمىستارىندا پايدالانۋعا بولاتىن ناقتى ۇسىنىستار بەردى.
«ەگەمەن-اقپارات».