وبلىس اكىمى انزار مۇساحانوۆ قىزمەتىنە كىرىسكەن از كۇندە ءوڭىردەگى اۋىس-ءتۇيىستى باستادى. تالدىقورعان قالاسىن 12 جىل باسقارىپ, شاھاردىڭ كورىكتى قالاعا اينالۋى مەن شاعىن جانە ورتا كاسىپكەرلىكتىڭ دامۋىندا, باسقارۋ ىسىندە وزىندىك قولتاڭباسىن قالىپتاستىرعان قالا اكىمى ساكەن جىلقايداروۆ الماتى وبلىسى اكىمىنىڭ وكىمىمەن وبلىس اكىمىنىڭ ورىنباسارلىعىنا تاعايىندالدى.
بۇدان سوڭ قالالىق ءماسليحاتتىڭ كەزەكتەن تىس سەسسياسى ءوتىپ, دەپۋتاتتار نازارىنا تالدىقورعان قالاسىنىڭ اكىمى لاۋازىمىنا بۇعان دەيىن جامبىل اۋدانىن باسقارعان ماحاببات بيگەلديەۆتىڭ كانديداتۋراسى ۇسىنىلدى. دەپۋتاتتار ونى ءبىراۋىزدان قولداپ, كەلىسىم بەردى.
بەيسەنبى كۇنى وبلىس اكىمى جامبىل اۋدانى اكتيۆىنىڭ جيىنىنا قاتىستى. اۋداندىق ءماسليحاتتىڭ كەزەكتەن تىس سەسسياسىندا دەپۋتاتتار اۋدان اكىمى قىزمەتىنە ۇسىنىلىپ, بۇعان دەيىن وبلىستىق «قازپوشتا» اق باسشىسى بولعان ءبينالى ىسقاقتىڭ كانديداتۋراسىن قولدادى. جينالعاندارعا جاڭا اكىمدى تانىستىرعان ءوڭىر باسشىسى بۇگىنگى تاڭداعى مەملەكەتتىك ورگانداردىڭ الدىندا تۇرعان مىندەتتەرگە توقتالدى.
كۇمىسجان بايجان.
الماتى وبلىسى.