بەرگەنىنەن بەرەرى كوپ

كەشە پرەمەر-مينيستر كا­رىم ءماسىموۆ تاراز قالاسىنا كەلىپ, جامبىل وبلىستىق ءماسلي­حا­تىنىڭ كەزەكتەن تىس سەسسياسىنا قاتىستى. سەسسيادا وبلىس اكىمىن تاعايىنداۋ تۋرالى ماسەلە قارا­لىپ, ەلباسىنىڭ جارلىعىمەن وب­­لىستىڭ اكىمى بولىپ قايتا تا­عايىندالعان قانات الدابەر­گەن­ ۇلى بوزىمباەۆتىڭ كانديداتۋ­را­سىن دە­پۋتاتتار ءبىراۋىزدان قولدادى. پرەمەر-مينيستر بۇدان كەي­ىن وبلىس اكتيۆىمەن كەزدەسىپ, ولار­عا ەل­باسىنىڭ جارلىعىمەن وبلىس اكىمى بولىپ ق. بوزىمباەۆتىڭ قاي­تا تا­عاي­ىندالعانىن حابارلاپ, قۇت­تىقتادى. الدا اتقارىلاتىن جۇ­مىس­تىڭ كوپ ەكەنىن ايتتى. ق.بوزىمباەۆ ەلباسى سە­نىمىن اقتاۋ­عا, ءسويتىپ, وڭىردە يندۋس­تريالىق-يننوۆاتسيا­لىق, «بيزنەستىڭ جول كارتاسى» سي­ياقتى ەلدىڭ الەۋ­مەتتىك جانە ەكونو­مي­كالىق جاعدايىن جاق­سارتاتىن كوپ­تەگەن باعدارلاما­لار­دى ەرەكشە كۇش-جىگەرمەن جۇزەگە اسىراتىنىنا كوپشىلىكتى سەندىردى. ق.بوزىمباەۆتىڭ جامبىل وب­لى­سىنا اكىم بولىپ تاعايىن­دال­عانىنا ءبىر جىلدان ەندى استى. دەگەنمەن, وب­لىستا ول اتقارعان شارۋالار بار­شى­لىق. الداعى جىل­دارعا جوبالاپ وت­ىر­عان جوس­پار­لارىنىڭ دا ەكو­نو­مي­كالىق جانە الەۋمەتتىك ماڭىزى زور. دەمەك, جاس باسشىعا ىسكە ءسات ايتامىز. كوسەمالى ساتتىباي ۇلى. جامبىل وبلىسى.