اسا قادىرلى نۇرسۇلتان ءابىش ۇلى!
الماتى ايماعىنداعى رەكتورلار كەڭەسى بىرلەستىگىنىڭ قۇرامىنداعى 25 جوعارى وقۋ ورىندارى مەن اباي اتىنداعى قازاق ۇلتتىق پەداگوگيكالىق ۋنيۆەرسيتەتى ۇجىمدارى ءسىزدى پرەزيدەنتتىك سايلاۋداعى جەڭىسىڭىزبەن – قازاقستان رەسپۋبليكاسىنىڭ پرەزيدەنتى بولىپ سايلانۋىڭىزبەن شىن جۇرەكتەن قۇتتىقتايدى.
بۇل جەڭىس, شىن مانىندە, تاۋەلسىز جاس مەملەكەتىمىزدىڭ تاعدىرى, بولاشاعى ءۇشىن سىزبەن بىرگە بولىپ, الداعى اسقارالى اسۋلاردان سىزبەن بىرگە اسۋدى مۇرات تۇتقان بارشا حالقىمىزدىڭ جەڭىسى دەپ ويلايمىز. ءسىز مەملەكەت باسىندا وتىرعان جىلداردا ءوزىڭىزدى ناعىز ەل قامىن ويلاعان ەلباسى, ۇلتىمىزدىڭ جاناشىرى, وتانىمىزدىڭ پاتريوتى, كەمەڭگەر كوسەمى رەتىندە تانىتا ءبىلدىڭىز. ءوز تاۋەلسىزدىگىنىڭ 20 جىلدىعىنا اياق باسىپ وتىرعان بۇگىنگى قازاقستان ءۇشىن جاڭا ءداۋىردىڭ ەسىگىن اشىپ بەرگەن ءسىزدىڭ قاجىماس قايراتكەرلىگىڭىز بەن حالىقارالىق دەڭگەيدەگى ابىروي-بەدەلىڭىزدى الەم حالقى شىن پەيىلمەن مويىنداۋى دا قازاق حالقىنىڭ مەرەيى. سايلاۋعا الماتى ايماعىنداعى جوعارى وقۋ ورىندارى مەن اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پروفەسسور-وقىتۋشىلار قۇرامى, قىزمەتكەرلەرى, ستۋدەنتتەرى دە ۇيىمشىلدىقپەن قاتىسىپ, ءسىز ءۇشىن ءبىراۋىزدان داۋىس بەردى.
ءسىزدىڭ الداعى كەزەڭدە اتقاراتىن جاسامپازدىق قىزمەتىڭىزگە زور تابىس تىلەيمىز. ءوزىڭىز ىرگەسىن قالاعان, ەڭسەسىن كوتەرگەن جانە دامۋدىڭ داڭعىل جولىنا تۇسىرگەن قازاقستاننىڭ الەمدىك وركەنيەتتەر توعىسىندا كوشباسشى مەملەكەتكە اينالۋى جولىندا ەڭبەك ەتە بەرۋىڭىزگە تىلەكتەستىك بىلدىرەمىز.
تاۋەلسىز قازاق ەلىنىڭ باقىتى ءۇشىن تۋعان وزىڭىزگە مىقتى دەنساۋلىق, ۇزاق عۇمىر, وتباسىڭىزعا اماندىق, زور باقىت تىلەيمىز.
قۇرمەتپەن, سەرىك پىراليەۆ, الماتى ايماعىنداعى جوعارى وقۋ ورىندارى رەكتورلارى كەڭەسىنىڭ توراعاسى, اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى, پروفەسسور.