كەندى التايدا سوڭعى ەكى كۇندە اۋا رايى كۇرت ىسىپ, 25 گرادۋستان استى. بيىك تاۋلار مەن قىراتتاردا جاتقان قالىڭ قاردان باستاۋ الاتىن ءۇلبى وزەنىنىڭ دەڭگەيى كوتەرىلىپ, كەشە جاڭا سوگىر كەنتىنىڭ 400-گە تارتا تۇرعىن ۇيلەرىن سۋ باستى. ازىرشە بايبالام سالاتىن ەشنارسە جوق. ەگەر الداعى كۇندەرى دە كۇن ىسىسا, قاۋىپ كۇشەيۋى مۇمكىن. ونىڭ ۇستىنە تاۋلى ايماقتاردا قار كوشكىنى ءجۇرىپ جاتىر.
سارسەنبى كۇنى وبلىس اكىمى بەردىبەك ساپارباەۆ ۇيلەرىن سۋ باسقان ادامدارمەن اڭگىمەلەسىپ, قولدان كەلگەن كومەكتەرىن ايامايتىندارىن ايتتى. جەكە مەنشىك ۇيلەرى بار تۇرعىندار قورا-قوپسىلارىن سۋدان تازارتىپ جاتىر. العاشقى كومەك تە كەلىپ جەتتى.
بيىل وبلىس اۋماعىندا قار قالىڭ جاۋدى. سوندىقتان ساقتىق شارالارى الدىن الا جاسالعان-تىن. سوعان قاراماستان, ءوڭىر باسشىسى ءتيىستى مەكەمەلەر باسشىلارىمەن كەزدەسۋ وتكىزىپ, قاجەتتى مولشەردە تەحنيكانىڭ ءازىر تۇرۋىن مۇقيات تاپسىردى.
وڭداسىن ەلۋباي.
وسكەمەن.